უკრაინამ აშშ-ს შეატყობინა, რომ დღეში 500 "სტინგერი" და 500 "ჯაველინი" სჭირდება - CNN

CNN-ის ინფორმაციით, უკრაინამ აშშ-ის მთავრობას საჭირო სამხედრო დახმარების განახლებული სია გადასცა, რომელშიც აღნიშნულია, რომ უკრაინას ყოველდღიურად ესაჭიროება ამერიკული წარმოების "სტინგერის" ტიპის 500 საზენიტო და ამდენივე "ჯაველინის" ტანკსაწინააღმდეგო რაკეტა.

უკრაინა აშშ-დან სამხედრო ტვირთს უახლოეს პერიოდში მიიღებს. როგორც ბაიდენი აცხადებს, გარკვეული ოდენობის ჯავშანტექნიკა, საბრძოლო მასალები და იარაღი უკვე იგზავნება უკრაინული არმიისთვის.