ე.წ დონეცკის სახალხო რესპუბლიკიდან რუსეთში მასობრივი ევაკუაცია გამოცხადდა

თვითგამოცხადებული დონეცკის სახალხო რესპუბლიკის მეთაურის დენის პუშილინის განცხადებით, დონეცკიდან მოქალაქეები რუსეთში იქნებიან ევაკუირებული. მისივე თქმით, რუსეთი დათანხმდა ამ მოქალაქეებს საცხოვრებელი შესთავაზოს.  ინფორმაციას BBC ავრცელებს.

„თავდაპირველად უნდა მოხდეს ქალების, ბავშვებისა და მოხუცების ევაკუაცია“, - დასძინა პუშილინმა.

აშშ და მათი მოკავშირეები გამოთქვამენ წუხილს, რომ შესაძლოა, დონბასში გახშირებული აგრესია რუსეთისთვის უკრაინაში შეჭრის საბაბად იქცეს.