ზელენსკიმ რუსეთთან შემდგომი მოლაპარაკებებისთვის პირობები დაასახელა

უკრაინის პრეზიდენტმა, ვოლოდიმირ ზელენსკიმ რუსეთთან შემდგომი მოლაპარაკებებისთვის პირობები დაასახელა.

„ჩვენ ბოლომდე უნდა მივიყვანოთ ის, რაზეც მხარეები შეთანხმდნენ მეორე შეხვედრის დროს - დავასრულოთ სტამბოლში შეთანხმებული [ტყვეთა] გაცვლები“, - განაცხადა ზელენსკიმ.

რუსეთისა და უკრაინის წარმომადგენლებს შორის პირდაპირი მოლაპარაკებების მეორე რაუნდი სტამბოლში, 2 ივნისს გაიმართა.

მხარეები შეთანხმდნენ, რომ გაცვლიდნენ მძიმედ დაჭრილ სამხედროებსა და 25 წლამდე ტყვეებს, ასევე ერთმანეთს გადასცემდნენ ომში დაღუპული სამხედრო მოსამსახურეების 6 000 ცხედარს.

ამის შემდეგ შედგა სამხედრო ტყვეების გაცვლის რამდენიმე რაუნდი - კერძოდ, 9, 10, 12, 19 და 20 ივნისს.

პარალელურად გრძელდებოდა დაღუპულთა ცხედრების გაცვლაც.