თურქეთში 879 მიწისძვრა დაფიქსირდა ბოლო 2 დღის განმავლობაში

თურქეთში, ბალიქესირის პროვინციაში მომხდარი ძლიერი, 6.1 მაგნიტუდის სიმძლავრის მიწისძვრის შემდეგ, ბიძგები არ წყდება. ბოლო 2 დღის განმავლობაში 879 მიწისძვრა დაფიქსირდა. ინფორმაციას თურქული მედია ავრცელებს.

თურქეთის საგანგებო სიტუაციებისა და კატასტროფების მართვის სააგენტოს მონაცემებით, 10-დან 12 აგვისტოს ჩათვლით, სინდირგის რეგიონში 879 მიწისძვრა მოხდა. აქედან 744 მიწისძვრის სიმძლავრე 3.0 მაგნიტუდა იყო, 120-ის - 3.9-ზე ნაკლები, ხოლო 17 მიწისძვრის სიმძლავრე 4.0-დან 4.9 მაგნიტუდამდე მერყეობდა.

ცნობისთვის, ბალიქესირის პროვინციის სინდირგის რეგიონში, 6.1 მაგნიტუდის სიმძლავრის მიწისძვრა, გუშინ საღამოს მოხდა. ბიძგები სტამბოლსა და იზმირში იგრძნობოდა. მიწისძვრის შედეგად, ერთი ადამიანი დაიღუპა, 29 კი დაშავდა. მიწისძვრის გამო, 16 შენობა ჩამოინგრა.