სევასტოპოლში სკოლის კურსდამთავრებულების ფოტოსესიის დროს სკოლის აივანი ჩამოინგრა - არიან დაშავებულები

სევასტოპოლში, მე-11 კლასის კურსდამთავრებულებისთვის ფოტოსესიის დროს სკოლის აივანი ჩამოინგრა. ამის შესახებ SHOT-ს ერთ-ერთი მოსწავლის დედამ განუცხადა.

მისი თქმით, მე-13 სკოლის აივანზე ფოტოების გადაღება ყოველწლიური ტრადიციაა და დღეს მთელი კლასი იქ ფოტოსესიისთვის იყო შეკრებილი. გადაღების დროს აივანი ჩამოინგრა. თვითმხილველების თქმით, რამდენიმე მოსწავლემ სერიოზული დაზიანებები მიიღო: ზოგიერთს ხელები და ყბა მოტეხილი აქვს, ერთმა გოგონამ კი გონება დაკარგა.

დაშავებულების დასახმარებლად ადგილზე სასწრაფო დახმარების სამსახურები მივიდნენ. ამჟამად მიმდინარეობს ნგრევის მიზეზის დადგენა და სკოლის პასუხისმგებლობა მოსწავლეთა უსაფრთხოებაზე.