Reuters: ირანმა პირდაპირი მოლაპარაკებები გამართა აშშ-თან

აშშ-ის პრეზიდენტის სპეციალური წარმომადგენელი, სტივ უიტკოფი და ირანის საგარეო საქმეთა მინისტრი, აბას არაღჩი ტელეფონით რამდენჯერმე ესაუბრნენ ერთმანეთს მას შემდეგ, რაც გასულ კვირას ისრაელმა ირანზე დარტყმები დაიწყო. ინფორმაციას ამის შესახებ სააგენტო Reuters-ი დიპლომატიურ წყაროებზე დაყრდნობით ავრცელებს.

დიპლომატიური წყაროების ცნობით, არაღჩიმ განაცხადა, რომ თეირანი მოლაპარაკებებს არ დაუბრუნდება, თუ ისრაელი არ შეწყვეტს თავდასხმებს.

მოლაპარაკებების ფარგლებში მხარეებმა მოკლედ განიხილეს აშშ-ის წინადადება, რომელიც ირანს მაისის ბოლოს გადაეცა.

ეს წინადადება მიზნად ისახავს რეგიონული კონსორციუმის შექმნას, რომელიც ურანს ირანის ფარგლებს გარეთ გაამდიდრებს. თეირანმა ეს შეთავაზება ჯერჯერობით უარყო.