ქალმა ქმარს უჩივლა იმის გამო, რომ ინსტაგრამზე დროის გატარების ნაცვლად, საოჯახო საქმეების კეთებას აიძულებდა

ინდოეთის პოლიციამ ცოტა ხნის წინ საინტერესო შემთხვევა გაავრცელა. ქალმა ქმარს უჩივლა იმის გამო, რომ ინსტაგრამზე დროის გატარების ნაცვლად საოჯახო საქმეების კეთებას აიძულებდა. ნიშა ამბობდა, რომ სოციალურ ქსელში დროის შემცირებამ მიმდევრების დაკარგვა გამოიწვია. 

30 წლის ქალმა მოგვიანებით პოლიციას განუცხადა, რომ მანამდე ის და მისი ქმარი შედარებით ჰარმონიაში ცხოვრობდნენ თავიანთ სახლში, მაგრამ მისმა მოთხოვნებმა მისი სოციალურ მედიაში ყოფნა გაანადგურა. ნიშა ყოველდღიურად მინიმუმ ორ ვიდეოს აქვეყნებდა ინსტაგრამზე, მაგრამ ქმრის მოთხოვნებმა ეს შეუძლებელი გახადა და როდესაც ერთ დღეში ორი გამომწერი დაკარგა, იგი ძალიან გაბრაზდა. მან დატოვა სახლი, მშობლებთან დაბრუნდა სხვა სოფელში და ქმრის წინააღმდეგ საჩივარი შეიტანა.

ქალთა პოლიციის განყოფილებამ ნიშას საჩივარი დაადასტურა და ჟურნალისტებს განუცხადა, რომ დამცირებულმა ცოლმა სოციალურ მედიაში თავისი ყურადღების შემცირება ქმრის დაჟინებულ მოთხოვნას დააბრალა.

ცოლის ქმედებების შესახებ რომ გაიგო, ქმარმა შურისძიების ნიშნად საკუთარი საჩივარი შეიტანა და განაცხადა, რომ ნიშა ყოველთვის დაკავებული იყო ინსტაგრამით და საოჯახო საქმეებს უგულებელყოფდა.

ორივე მხარის მოსმენის შემდეგ, პოლიციამ ისინი შეკრიბა და ოჯახური ჰარმონიისა და ცხოვრების მნიშვნელობაზე ესაუბრა. კონსულტაციის სესიამ საოცრება მოახდინა და ახალგაზრდა წყვილი ახლა ისევ ერთადაა. ისინი ურთიერთობის გამოსწორებას ცდილობენ. სამწუხაროდ, ნიშას პოლიციაში შეტანილი საჩივრით გამოწვეულმა არეულობამ მის ქმარს სამსახური დააკარგვინა და ახლა ის სხვა გზას ეძებს, რომ საარსებო წყარო გამოიმუშაოს.