პატიმარი „ჭუჭყიანი სარეცხის“ ჩანთაში დაიმალა და ციხიდან გაქცევა მოახერხა - შემთხვევა საფრანგეთში მოხდა

20 წლის პატიმარმა, რომელიც საფრანგეთის სამხრეთ-აღმოსავლეთში მდებარე ქორბას ციხეში იხდიდა სასჯელს, გაქცევა მოახერხა. ის თავის თანამესაკნის ტანსაცმლის ჩანთაში დაიმალა.  გაქცევის ისტორია ტელეარხმა BFMTV გაავრცელა.

ახალგაზრდა მოზარდობის ასაკშიც იყო ნასამართლევი. ჟურნალისტების ცნობით, იგი ამჟამად სხვადასხვა წვრილმანი სამართალდარღვევისთვის, ქურდობისა და „ადამიანებით ვაჭრობასთან დაკავშირებული დანაშაულებისთვის“ იხდიდა სასჯელს. მას ციხის ადმინისტრაციამ არ მიანიჭა განსაკუთრებული საშიშროების მქონე პატიმრის სტატუსი და არ მიიჩნია ორგანიზებული დანაშაულებრივი ჯგუფის წევრად, რაც შესაბამისი კონტროლის დონის შემცირებას ნიშნავს.

იგი კამერაში ორ სხვა პატიმართან ერთად იმყოფებოდა, რომელთაგან ერთ-ერთმა 11 ივლისს ციხე კანონიერი წესით დატოვა. გათავისუფლების მომენტში, როცა თანასაკნელი გასასვლელად ემზადებოდა, 20 წლის პატიმარი სარეცხის ჩანთაში ჩაიმალა. მისი გაუჩინარება დაცვის თანამშრომლებმა მხოლოდ მეორე დღეს შენიშნეს.

ადმინისტრაციის დირექტორმა, სებასტიან კოველმა ჟურნალისტებთან საუბარში აღიარა, რომ ინციდენტი სისტემაში დაგროვილი შეცდომების შედეგი იყო და დასძინა, რომ ასეთი შემთხვევები დაწესებულებისთვის "უკიდურესად იშვიათია".