მსოფლიოში ვრცელდება ახალი COVID-19 შტამი, რომელიც უფრო გადამდებია, ვიდრე ოდესმე ყოფილა -  რა ვიცით ვირუსის შესახებ

COVID-19- ის ახალი, ძლიერ გადამდები შტამი მთელ მსოფლიოში ვრცელდება . ამან უკვე გამოიწვია ჰოსპიტალიზაციის ზრდა ჩინეთში და ახლა ის ფიქსირდება შეერთებულ შტატებში. ამის შესახებ უცხოური მედია წერს.

გამოცემის ცნობით, კორონავირუსის ახალი ვარიანტი პირველად შეერთებულ შტატებში 2025 წლის მარტსა და აპრილში საერთაშორისო მოგზაურებს შორის დაფიქსირდა.

ამავდროულად, დაავადებათა კონტროლის ცენტრი აცხადებს, რომ აშშ-ში NB.1.81 ვარიანტით ინფიცირების შემთხვევები ამჟამად ძალიან ცოტაა, რაც მათი სათანადოდ თვალყურის დევნების საშუალებას იძლევა. თუმცა, ექსპერტები გვაფრთხილებენ, რომ ჩინეთში ვირუსის გავრცელების გათვალისწინებით, ის სხვა დომინანტურ შტამებთან შედარებით უფრო სწრაფად ვრცელდება.

აღსანიშნავია, რომ წელს NB.1.8.1 ვარიანტი ჩინეთში დომინანტური გახდა. ინფიცირების შემთხვევები სულ უფრო ხშირად ფიქსირდება აზიაში. მაგალითად, ჰონგ-კონგში ბოლო ოთხი კვირის განმავლობაში დაავადების 81 მძიმე შემთხვევა დაფიქსირდა, მათ შორის 30 გარდაიცვალა. ინფექციების აბსოლუტური უმრავლესობა 65 წლის და უფროსი ასაკის მოზრდილებში გვხვდება.

ამასობაში, ჩინეთის მატერიკულ ნაწილში, COVID-19-თან დაკავშირებით დახმარების მაძიებელი პაციენტების წილი ერთ თვეში 7.5%-დან 16%-მდე გაიზარდა.

„რასაც ჩვენ ვხედავთ ჩინეთში, ჰონგ-კონგსა და სხვა ადგილებში, სადაც ეს ვარიანტი ნამდვილად მკვეთრად გაიზარდა, არის ჰოსპიტალიზაციის ზრდა“, - განუცხადა CBS News-ს დოქტორმა ემი ედვარდსმა.

რა არის ცნობილი კორონავირუსის ახალი ვარიანტის შესახებ

ვარიანტი NB.1.8.1-მა, სხვა შტამების მსგავსად, შეიძლება გამოიწვიოს ხველა, ყელის ტკივილი, სიცხე და დაღლილობა. თუმცა, წინა ვარიანტებისგან განსხვავებით, როგორც ჩანს, ეს ვარიანტი უფრო ადვილად ვრცელდება, ამბობს ნევადის უნივერსიტეტის მიკრობიოლოგიისა და იმუნოლოგიის პროფესორი.

ამავდროულად, ჰონგ-კონგის ჯანდაცვის ცენტრის ხელმძღვანელი, დოქტორი ედვინ ცუი ამბობს, რომ კორონავირუსის ახალი ვარიანტი „არ უნდა იქნას აღქმული მსუბუქად“. მან აღნიშნა, რომ ვირუსი, სავარაუდოდ, ევოლუციას განიცდის და შესაძლოა, COVID ვაქცინებით დაცული გარემოსთვის „თავის არიდება“ შეძლოს.