ირანი პირობას დებს, რომ სამოქალაქო ინფრასტრუქტურაზე დარტყმების შემთხვევაში აშშ-ს ყოვლისმომცველ პასუხს გასცემს

თუ აშშ განახორციელებს თავის მუქარას და ირანში სამოქალაქო ინფრასტრუქტურას დაარტყამს, ამას „ეჭვგარეშეა, ირანის ისლამური რესპუბლიკის შეიარაღებული ძალების მხრიდან მკაფიო და ყოვლისმომცველი პასუხი მოჰყვება“, - განაცხადა ირანის საგარეო საქმეთა მინისტრმა თავის ფრანგ კოლეგასთან, ჟან-ნოელ ბაროსთან სატელეფონო საუბრისას.

აბას არაღჩიმ აღნიშნა, რომ აშშ-ის მუქარა „ომის დანაშაულებისა და გენოციდის ნორმალიზებას უტოლდება“.

ინფორმაციაში, რომელიც ირანის საგარეო უწყებამ საუბრის შემდეგ გაავრცელა, ნათქვამია, რომ ბარომ ინფრასტრუქტურაზე თავდასხმის მუქარას რეგიონში დაძაბულობის გაზრდის მიზეზი უწოდა და დიპლომატიური გადაწყვეტის აუცილებლობას გაუსვა ხაზი.