ფრიდრიხ მერცი აცხადებს, რომ დონალდ ტრამპთან ისაუბრა უკრაინისთვის „პატრიოტის“ რაკეტების მიწოდებაზე, თუმცა საბოლოო გადაწყვეტილება ჯერ არ არის მიღებული

გერმანიის კანცლერი ფრიდრიხ მერცი აცხადებს, რომ აშშ-ის პრეზიდენტ დონალდ ტრამპთან უკრაინისთვის „პატრიოტის“ რაკეტების მიწოდებაზე ისაუბრა, თუმცა საბოლოო გადაწყვეტილება ჯერ არ არის მიღებული.

როგორც მერცმა აღნიშნა, ის მჭიდრო კონტაქტზეა აშშ-ის მთავრობასთან, პრეზიდენტ ტრამპთან „პატრიოტის“ ტიპის სისტემების შეძენისა და უკრაინაში გაგზავნის გეგმებთან დაკავშირებით და ხაზი გაუსვა უკრაინის საჰაერო თავდაცვის გაძლიერების აუცილებლობას.

„ამერიკელებს თავად სჭირდებათ ზოგიერთი მათგანი, მაგრამ მათ ასევე ბევრი აქვთ… ჯერ არ არის საბოლოოდ გადაწყვეტილი, განხორციელდება თუ არა მიწოდება“, – თქვა მან.