ერდოღანმა პუტინთან სატელეფონო საუბარში განაცხადა, რომ მხარს უჭერს უკრაინაში მშვიდობის დამყარების ძალისხმევას

თურქეთის პრეზიდენტმა, რეჯეფ თაიფ ერდოღანმა რუსეთის პრეზიდენტთან, ვლადიმირ პუტინთან სატელეფონო საუბრისას განაცხადა, რომ მხარს უჭერს უკრაინაში მშვიდობის დამყარების ძალისხმევას.

თურქეთის პრეზიდენტის ოფისმა დაადასტურა, რომ ერდოღანი მხარს უჭერს „ყველა მხარის“ ჩართულობას სამშვიდობო პროცესში.

ერდოღანმა პუტინს ასევე განუცხადა, რომ ყურადღებით აკვირდება მოვლენების განვითარებას და რომ თურქეთი ომის დაწყებიდანვე სამართლიანი მშვიდობის დამყარებას ცდილობდა.