1766075033

ხობში ავარიას ქვეითი ემსხვერპლა

ხობში ავტოსაგზაო შემთხვევას ქვეითი ემსხვერპლა.უბედური შემთხვევა, რამდენიმე წუთის წინ, ცოტნე დადიანის ქუჩაზე მოხდა. არსებული ინფორმაციით, 70 წლამდე ასაკის მამაკაცი ქვეითად გადაადგილდებოდა, რა დროსაც მას ავტომობილი დაეჯახა.ადგილზე მობილიზებულია სასწრაფო სამედიცინო დახმარებისა და პოლიციის ეკიპაჟები.შსს-ს ინფორმაციით, მომხდარ ფაქტზე გამოძიება სსკ-ის 276-ე მუხლით დაიწყო, რაც ტრანსპორტის მოძრაობის ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია. 

1765908120

ოკუპირებულ აფხაზეთში საქართველოს მოქალაქე დააკავეს

გავრცელებული ინფორმაციით, დროებით ოკუპირებულ აფხაზეთში საქართველოს მოქალაქე დააკავეს.ე.წ. პროკურატურის ცნობით, მალხაზ მაქაცარიამ „საზღვარი უკანონოდ გადაკვეთა“. გალმედიას ინფორმაციით, კაცი წინასწარი დაკავების იზოლატორშია მოთავსებული.როგორც სუსში აცხადებენ, მომხდართან დაკავშირებით, გააქტიურებულია ცხელი ხაზი და დგინდება დეტალები. 

1765883524

მძიმე ავარია მოხდა რამდენიმე წუთის წინ ქუთაისში

მძიმე ავარია მოხდა რამდენიმე წუთის წინ ქუთაისში. სოფელ ქვიტირთან, წყაროს ინფორმაციით, სამი დაშავებულიდან, ერთი პირის მდგომარეობა მძიმეა.დაშავებულები სასწრაფო სამედიცინო დახმარების ბრიგადებმა საავადმყოფოში გადაიყვანეს.როგორც ირკვევა, ერთმანეთს ორი ავტომობილი შეეჯახა.შსს-მ მომხდარ ფაქტზე გამოძიება სსკ-ის 276-ე მუხლით დაიწყო.

1765793589

ზუგდიდში, დენის დარტყმის შედეგად მუშა დაიღუპა

ზუგდიდში, თბილისის ქუჩაზე, თურქეთის მოქალაქე მუშა დენის დარტყმის შედეგად ადგილზე დაიღუპა.არსებული ინფორმაციით, ელექტრო გაყვანილობის სამუშაოებს სწორედ 30 წლამდე მამაკაცი ასრულებდა.შემთხვევის ადგილზე მობილიზებული იყო პირველადი დახმარების და საპატრულო პოლიციის ბრიგადა.შემთხვევა გუშინ ღამით მოხდა.ფაქტზე გამოძიება სსკ-ის 240-ე მუხლით დაიწყო, რაც სამთო, სამშენებლო ან სხვა სამუშაოს წარმოებისას უსაფრთხოების წესის დარღვევას გულისხმობს.

1765657888

ცნობილია, ავარიის დროს დაღუპული 22 წლის ბიჭის ვინაობა

სენაკში მომხდარ უმძიმეს ავტოსაგზაო შემთხვევას 22 წლის ახალგაზრდა გიორგი სახოკია ემსხვერპლა.„საშინელი ტრაგედია მოხდა. იგი ახლახან დაბრუნდა გერმანიიდან“, – ამბობს წყარო. არსებული ინფორმაციით, ავტომობილი, რომელსაც ახალგაზრდა მართავდა, სავარაუდოდ, ბეტონის ჯებირს შეეჯახა.შეჯახების შედეგად იგი ადგილზე დაიღუპა. ამავე ავარიის დროს დაშავდა ავტომობილში მყოფი კიდევ ერთი პირი, რომელიც საავადმყოფოში გადაიყვანეს.

1765641041

სენაკში ავარიას 22 წლის ახალგაზრდა ემსხვერპლა

სენაკში უმძიმეს ავტოსაგზაო შემთხვევას ახალგაზრდა მამაკაცის სიცოცხლე ემსხვერპლა. არსებული ინფორმაციით, ავტომობილს, რომელსაც, 22 წლის მამაკაცი მართავდა, სავარაუდოდ, ბეტონის ჯებირს შეეჯახა.ახალგაზრდა შემთხვევის ადგილზე დაიღუპა. ასევე დაშავდა ავტომობილში მყოფი ერთი პირი, რომელიც საავადმყოფოში გადაიყვანეს. ჯერჯერობით ცნობია, რა გახდა ავტოსაგზაო შემთხვევის გამომწვევი მიზეზი. საქმეზე დაწყებულია გამოძიება.

1765314000

წალენჯიხაში, ავარიის შედეგად საფეხბურთო აკადემიის მწვრთნელი დაშავდა

წალენჯიხაში, ავტოსაგზაო შემთხვევის შედეგად დაშავებული ახალგაზრდა, საფეხბურთო აკადემია „იუვენტუსის“ მწვრთნელი, ლევან კვარაცხელიაა.ახალგაზრდა კაცს მანქანა დაეჯახა. დაშავებული სასწრაფო სამედიცინო დახმარების ჯგუფმა ჯერ წალენჯიხაში, შემდეგ კი ზუგდიდში გადაიყვანა. მას დაზიანებები თავის არეში აღენიშნება.მედიკოსების წინასწარი დასკვნით, ლევან კვარაცხელიას ჯანმრთელობის მდგომარეობა დამაკმაყოფილებელია. გავრცელებული ინფორმაციით, მძღოლი ადგილიდან მიიმალა.

1765311503

მანქანა ქვეითს დაეჯახა - დაშავებულია ახალგაზრდა კაცი

წალენჯიხაში ავტოსაგზაო შემთხვევის შედეგად ახალგაზრდა კაცი დაშავდა.მსუბუქი ავტომობილი ფეხით მოსიარულე 31 წლის ლ. კ-ს დაეჯახა. დაშავებული თავდაპირველად წალენჯიხის საავადმყოფოში, შემდეგ კი ზუგდიდში გადაიყვანეს.ექიმების შეფასებით, მისი ჯანმრთელობის მდგომარეობა საშუალო სიმძიმისაა.მძღოლი, შემთხვევის ადგილიდან, სავარაუდოდ, მიიმალა.

1765177890

ფოთში, საცხოვრებელ ბინაში გაჩენილ ხანძარს მამაკაცი ემსხვერპლა

ფოთში გაჩენილ ხანძარს 60 წლამდე მამაკაცი ემსხვერპლა. ცეცხლი რუხაძის ქუჩაზე მდებარე მაღალსართულიანი კორპუსის ერთ-ერთ საცხოვრებელ ბინაში გვიან ღამით გაჩნდა.მეზობლების ინფორმაციით, გარდაცვლილი მარტო ცხოვრობდა. შემთხვევის ადგილზე რამდენიმე სახანძრო-სამაშველო ბრიგადა მუშაობდა. მობილიზებული იყო პოლიცია.ცეცხლის გაჩენის მიზეზი სავარაუდოდ, სიგარეტის ნამწვი გახდა.

1764522022

ერთი დაჭრილი დაიღუპა, ორი მძიმედაა - რა არის ამ დროისთვის ცნობილი ქუთაისში დაჭრის საქმეზე

ქუთაისში, გამსახურდიას ქუჩაზე სროლის შედეგად ერთი დაჭრილი პირი ცოტა ხნის წინ, კლინიკაში გარდაიცვალა. მისი მდგომარეობა მძიმე იყო.„ერთი დაჭრილი დაიღუპა, ორი მძიმედაა",- ამბობს წყარო.ცნობისთვის, სროლა ქუთაისში, გამსახურდიას ქუჩაზე, დაახლოებით ერთი საათის წინ მოხდა. ამასთან, დაჭრილია კიდევ ორი პირი. ადგილზე სამართალდამცველები მუშაობენ.

1764517680

სროლა ქუთაისში - არიან დაჭრილები

ცოტა ხნის წინ სროლა იყო ქუთაისში, გამსახურდიას ქუჩაზე. გავრცელებული ინფორმაციით,დაჭრილია სამი პირი. ერთის მდგომარეობა მძიმეა. პერიმეტრი შემოსაზღვრულია ყვითელი ლენტით. დეტალები ზუსტდება შსს-ში.

1764507567

ავარია სამტრედია-აბაშის გზაზე - არის მსხვერპლი

მსხვერპლით დასრულდა ავტოსაგზაო შემთხვევა სამტრედია-აბაშის გზაზე, სოფელ გაუწყინარის მონაკვეთზე.არსებული ინფორმაციით, გარდაცვლილია 25 წლის ახალგაზრდაა, ,ხოლო მეორე ახალგაზრდის მდგომარეობა მძიმეა.იგი სასწრაფომ კლინიკაში გადაიყვანა.ტრაგედიასთან დაკავშირებით შსს-მ დაიწყო გამოძიება სსკ-ის 276-ე მუხლით.