„მიკავშირდებიან და საცხოვრებელს მთავაზობენ...“ – კევინ სპეისი მიმართვას ავრცელებს

კევინ სპეისის ბოლოდროინდელ ინტერვიუს, რომელშიც მსახიობმა განაცხადა, რომ სასტუმროებში ცხოვრობს და უსახლკაროა, საზოგადოების მხრიდან დიდი გამოხმაურება მოჰყვა.

ცოტა ხნის წინ, სპეისმა სოციალურ ქსელში ვიდეო გამოაქვეყნა. როგორც ის ამბობს, მისი ნათქვამი არასწორად გაიგეს:

„ჩვეულებრივ, მედიის შეცდომებს არ ვასწორებ, ეს რომ ვაკეთო, სხვა არაფრისთვის დამრჩებოდა დრო. თუმცა, ბოლო დღეებში გავრცელებული ცნობების გათვალისწინებით, თითქოს უსახლკარო ვარ, თავს ვალდებულად ვთვლი, რომ განვმარტო ყველაფერი, არა ჟურნალისტებისთვის, არამედ იმ ათასობით ადამიანისთვის, ვინც ყოველდღიურად მიკავშირდება და საცხოვრებელს მთავაზობს.

მინდა გითხრათ, რომ თქვენი თანაგრძნობა მე მაძლიერებს, მაგრამ არასწორი იქნება, თუ ვიტყვი, რომ რეალურად უსახლკარო ვარ, ეს ასე არ არის".