მარტა კოსი: ევროკავშირი აწარმოებს მოლაპარაკებებს აშშ-თან, აზერბაიჯანთან და თურქეთთან პროექტ „ტრამპის გზაში“ შესაძლო მონაწილეობის შესახებ

ევროკავშირი აწარმოებს მოლაპარაკებებს აშშ-თან, აზერბაიჯანთან და თურქეთთან პროექტ „ტრამპის გზაში“ შესაძლო მონაწილეობის შესახებ. ამის შესახებ განცხადება გაფართოების საკითხებში ევროკომისარმა, მარტა კოსმა განაცხადა.

„ჩვენ გვაქვს საკუთარი წინადადებები და ევროკავშირი აგრძელებს კონსულტაციებს თურქეთთან და აზერბაიჯანთან. აშშ-ის მონაწილეობა ამ პროექტში განსაკუთრებით მნიშვნელოვანია“, – განაცხადა მარტა კოსმა.

ცნობისთვის, ე.წ. ტრამპის გზის პროექტის განხორციელების შესახებ შეთანხმებას სომხეთმა და აზერბაიჯანმა 8 აგვისტოს ვაშინგტონში, აშშ-ის შუამავლობით მიაღწიეს. პროექტი მიზნად ისახავს სამხრეთ კავკასიის რეგიონული კომუნიკაციების გახსნასა და სატრანსპორტო მარშრუტების ინტეგრაციას.