კიევის რეგიონში მამაკაცი მაშინ აფეთქდა, როცა ყუმბარის განეიტრალებას ცდილობდა

კიევის რეგიონში, ბროვარში, მამაკაცმა ყუმბარის განეიტრალება სცადა, რა დროსაც აფეთქდა. ამის შესახებ უკრაინული მედია წერს.

„გუშინ გვიან მოხდა მოვლენა, რომელიც გვაიძულებს კიდევ ერთხელ მივმართოთ საზოგადოებას. გრუშევსკის 17V-ში მდებარე კორპუსში, შენობის მფლობელმა ყუმბარის განეიტრალება სცადა, რის შედეგადაც აფეთქება მოხდა. საბედნიეროდ, მსხვერპლი არ ყოფილა. სამართალდამცავები ოფიცრები ახლა იკვლევენ სიტუაციას“, - თქვა ბროვარის მერმა.

იგი თემის ყველა მცხოვრებს მოუწოდებს, იყვნენ შეგნებული, არ შეინახონ სახლში საშიში ნივთები და არ ეცადონ ხელყუმბარების, ჭურვების, ვაზნების და სხვა სახიფათო ნივთების დემონტაჟს ან განეიტრალებას.

„თუ აღმოაჩენთ უცნობ ან სახიფათო ნივთებს, დაუყოვნებლივ აცნობეთ პოლიციას და მაშველებს“, - აღნიშნა მერმა.