განვიხილავთ საპასუხო ზომებს იმ ქვეყნების საპორტო ხომალდებთან მიმართებაში, რომლებიც ეხმარებიან უკრაინას თავდასხმებში - ვლადიმერ პუტინი

რუსეთის პრეზიდენტი ვლადიმერ პუტინი მეკობრეობად აფასებს რუსულ ტანკერებსა და ხომალდებზე უკრაინულ თავდასხმებს. ამის შესახებ ვლადიმერ პუტინმა საინვესტიციო ფორუმზე სიტყვით გამოსვლის შემდეგ, მედიას განუცხადა.

მისი თქმით, უკრაინული ძალები ადრეც ცდილობდნენ, თავდასხმები განეხორციელებინათ რუსულ პორტებზე, რასაც რუსეთი პასუხობდა ასეთივე თავდასხმებით და ეს პირველ რიგში გულისხმობდა იერიშის მიტანას იმ ხომალდებზე, რომლითაც უკრაინაში სამხედრო აღჭურვილობა და საბრძოლო მასალები შეჰქონდათ.

„თუმცა, ახლა უკვე, რუსეთი არ გამორიცხავს, რომ საპასუხოდ გააფართოებს თავდასხმების მასშტაბს იმ უკრაინულ საპორტო აღჭურვილობასა და ხომალდებზე, რომლებიც უკრაინულ პორტებში შედიან. ეს თუ გაგრძელდება, ჩვენ განვიხილავთ შესაძლებლობას, თუმცა, არ ვამბობ, რომ აუცილებლად გავაკეთებთ, მხოლოდ განვიხილავთ საპასუხო ზომებს იმ ქვეყნების ხომალდებთან მიმართებაში, რომლებიც ეხმარებიან უკრაინას ამ ოპერაციების განხორციელებაში. ყველაზე რადიკალური ფორმა კი, უკრაინისთვის ზღვასთან წვდომის აღკვეთაა. ვეღარ შეძლებენ მეკობრეობას პრინციპში. ვიმედოვნებ, უკრაინის სამხედრო და პოლიტიკური ლიდერები და ისინი, ვინც მათ ზურგს უკან არიან, დაფიქრდებიან, ღირს თუ არა ასეთი პრაქტიკის გაგრძელება“, – განაცხადა პუტინმა.