ექიმებმა მამაკაცის კუჭიდან 35 წლის წინ გადაყლაპული სანთებელა ამოუღეს

ჩინეთში, სიჩუანის პროვინციაში ერთ-ერთმა მცხოვრებმა ოქტომბერში საავადმყოფოს მიმართა. მისი თქმით  მას მუცლის ტკივილები და შებერილობა აწუხებდა. გასტროსკოპიის დროს ექიმებმა მამაკაცის კუჭში შავი საგანი აღმოაჩინეს, რომელიც შემდგომში სანთებელა აღმოჩნდა. პაციენტმა მაშინვე გაიხსენა, როგორ აღმოჩნდა სანთებელა მის ორგანიზმში. „1991 ან 1992 წელს მეგობართან ერთად ვსვამდი, და მან მალულად შემომთავაზა სანაძლეოდ გადამეყლაპა სანთებელა. მეც მაშინვე გადავყლაპე“, - გაიხსენა ჩინელმა.

სანთებელას გადაღლაპვის შემდეგ მამაკაცი ამბობს, რომ მას ჯანმრთელობის სერიოზული პრობლემები არ ჰქონია, გარდა იშვიათი მუცლის ტკივილებისა, რომლებიც მედიკამენტების მიღების შემდეგ აღარ აწუხებდა.

ექიმების თქმით, პაციენტს ძალიან გაუმართლა, რომ სანთებელა დაუზიანებელი დარჩა, გაზს რომ კონტაქტი ჰქონოდა კუჭის წვენთან, შესაძლოა ორგანოს პერფორაცია მომხდარიყო.