კრიპტობირჟა FTX ოფიციალურად გაკოტრდა - რა კავშირშია საქმესთან აღმასრულებელი დირექტორის შეყვარებული?

კრიპტოვალუტების რიგით მეორე უმსხვილესი ბირჟის, FTX-ის აღმასრულებელმა დირექტორმა სემ ბანკმენ-ფრიდმა ერთ დღეში თითქმის 14,6 მილიარდი დოლარი, ანუ მისი ქონების 94% დაკარგა.

როგორც წყაროებიდან ირკვევა, ბენკმენ-ფრიდმა, სავარაუდოდ, 10 მილიარდი დოლარის სახსრები გადაურიცხა სავაჭრო კომპანია Alameda Research-ს, რომელსაც თავისი მეგობარი გოგონა, ქეროლაინ ელისონი მართავს, თუმცა ამ ინფორმაციას ბერკმენი უარყოფს. 

“ოქროს” ან “ხუჭუჭა ბიჭის” კრახს, როგორც მას ხშირად უწოდებდნენ კრიპტო საზოგადოებაში, წინ უძღოდა ლიკვიდურობის პრობლემების გამოქვეყნება, ინვესტორების გაქცევა და FTX-ის კრიპტო ბაზრის უმსხვილესი მოთამაშის Binance-ის მიერ შეძენა. ამ უმსხვილესი ბირჟის  კოლაფსში უდიდესი წვლილი სწორედ Binance-ს და მის დამფუძნებელს, ჩანგპენგ ჟაოს მიუძღვის, რომელმაც ლიკვიდირების გადაწყვეტილება მიიღო.

FTX-ის დაცემის ისტორია არის მეოთხე კრიპტოვალუტის კრახი 2022 წელს (Luna/UST, Celsius და  Three Arrow Capital-ის შემთხვევები), რომელიც ვითარდება ერთი სცენარის მიხედვით:

ჭორები ლიკვიდობასთან დაკავშირებული შესაძლო პრობლემების შესახებ – თანხების ამოღება. ინვესტორები – კრიზისი. და ბლუმბერგი დაბნეულია: ასეთი ტრანზაქციები უოლ-სტრიტზე ძნელი წარმოსადგენია, მაგრამ ისინი შევიდნენ მკაცრი კრიპტო ბაზრის პრაქტიკაში, რომელიც დაარსებიდან ათი წლის შემდეგ თითქმის დაურეგულირებელი რჩება.

სემ ბენკმენ-ფრიდს აქვს ექსცენტრიკის და ალტრუისტის რეპუტაცია, რომელმაც განაცხადა, რომ ფული არ არის მიზანი, არამედ საშუალებაა და საჯარო პირობა დადო, რომ ოდესმე მთელ თავის ქონებას ქველმოქმედებაში დახარჯავდა. აღსანიშნავია, რომ მან ბევრი ინვესტიცია გააკეთა და ხშირად უჭერდა მხარს წარუმატებელ პროექტებს, როგორიცაა Robinhood.

საბოლოო ჯამში, ამერიკის შეერთებულ შტატებში გაკოტრების ზღვარზე მყოფი კრიპტობირჟა FTX-ისა და მისი დამფუძნებლის, სემ ბენკმენ-ფრიდის წინააღმდეგ მასშტაბური საგამოძიებო პროცესი მიმდინარეობს.

Reuters-ის ინფორმაციით, გამოძიება ერთდროულად სამმა სახელმწიფო სტრუქტურამ დაიწყო, რაც კიდევ ერთხელ ხაზს უსვამს FTX-ის გაკოტრების მნიშვნელობას. საქმეს იძიებენ: იუსტიციის დეპარტამენტის (DOJ), საქონლის სავაჭრო კომისიისა (CFTC) და საფონდო ბირჟების მარეგულირებელი კომისიის (SEC) წარმომადგენლები.