ბელარუსში, 21 და 19 წლის ასაკის ძმებს მასწავლებლის მკვლელობისთვის სიკვდილი მიუსაჯეს

11:51 01-11-2020
3946

ბელარუსში, 21 და 19 წლის ასაკის ძმებს, განსაკუთრებული სისასტიკით ჩადენილი მკვლელობის გამო, სიკვდილით დასჯა მიუსაჯეს.

ილია და სტანისლავ კოსცევებს ბრალი მასწავლებლის, ნატალი კოსტრეს განსაკუთრებული სისასტიკით მკვლელობაში ედებათ. მსჯავრდებულებმა დანაშაული აღიარეს.

შეგახსენებთ, რომ მკვლელობა ჩერიკოვოში 2019 წლის 10 აპრილს, გაგარინის ქუჩაზე მოხდა. სახლი, რომელშიც მასწავლებელი ცხოვრობდა, დაიწვა. ხანძრის შემდეგ, აღმოჩენილ გვამს სხეულზე მრავლობითი ხასიათის ჭრილობები აღმოაჩნდა. ძმები მას შემდეგ დააკავეს, რაც მათ სახლში გარდაცვლილი ქალის კომპიუტერს მიაკვლიეს. როგორც გაირკვა, მასწავლებელზე ისინი იმიტომ იყვნენ გაბრაზებულები, რომ მან პოლიციას მათ დაზე უთხრა, რომ ის თავის მცირეწლოვან შვილებთან მიმართებაში მშობლის მოვალეობას ვერ ასრულებდა.

სიმთვრალის დროს ძმებმა მასწავლებლისთვის პასუხის მოთხოვნა გადაწყვიტეს. ისინი მასთან მივიდნენ და გონების დაკარგვამდე სცემეს. ამის შემდეგ კი, კვალის დაფარვის მიზნით, სახლი გადაწვეს.

წყარო