რა დიალოგი გაიმართა პატრიარქსა და სალომე ზურაბიშვილს შორის - თორნიკე მამალაძე დეტალებს ყვება

18:14 01-06-2020
1222

დეკანოზ გიორგი მამალაძის ძმა, თორნიკე მამალაძე სალომე ზურაბიშვილისა და პატრიარქის შეხვედრასთან დაკავშირებით საუბრობს.

მისი თქმით, საპატრიარქოდან მას სანდო პირებმა მიაწოდეს ინფორმაცია, თუ როგორ საუბრობდნენ პატრიარქი და პრეზიდენტი 4 იანვარს შეხვედრაზე.

„საბედნიეროდ საპატრიარქოში არსებობენ ადამიანები, რომელებიც ნამდვილად ღმერთს ემსახურებიან და მათ მომაწოდეს ინფორმაცია. როდესაც სალომე ზურაბიშვილი იყო პატრიარქთან, სამი მეტრის რადიუსში იყვნენ ეს ადამიანები და სიტყვა სიტყვით გაიგეს საუბარი. სალომე ზურაბიშვილმა მას ჰკითხა, თუ რა გადაწყვეტილება უნდა მიეღო შეწყალებასთან დაკავშირებით, რაზეც პატრიარქმა განაცხადა, რომ სურვილი თუ გააჩნდა პატრიარქს, აქამდე ეტყოდა პრეზიდენტს და აქამდე მოხდებოდა მისი შეწყალება. პატრიარქმა განაცხადა, რომ ჩემი ძმა უნდა იჯდეს ციხეში, რადგან თავად პატრიარქს არ სურს მისი გათავისუფლება.

აქედან გამომდინარე, სალომე ზურაბიშვილის კითხვა იყო თუ რა მოტივით გააქარწყლებდა წმინდა სინოდის გადაწყვეტილებას, რაზეც პატრიარქმა უპასუხა, რომ ეკლესიაში გადაწყვეტილებას ღებულობს ის და არა სხდომა“,- ყვება თორნიკე მამალაძემ.

დღეს ცნობილი გახდა, რომ სალომე ზურაბიშვილი დეკანოზ მამალაძეს საშობაოდაც არ იწყალებს. ამ გადაწყვეტილების შემდეგ დეკნოზის ძმამ, თორნიკე მამალაძემ განაცხადა, რომ ეს არ ყოფილა პრეზიდენტის დამოუკიდებელი გადაწყვეტილება და პირად საუბრებში შეწყალებაზე მას თავად პატრიარქმა უთხრა უარი.