ბაბუას, რომელიც ტრანსგენდერ შვილიშვილს უვლიდა, თანასწორობის ჯილდო გადაეცა

21:54 12-12-2019
3162

„თანასწორობის ჯილდო“ ბათუმელ ავთანდილ კონცელიძეს გადაეცა. ის ტრანსგენდერ შვილიშვილს – ლიკა კონცელიძეს, რომელიც მძიმედ ავად იყო, სიცოცხლის ბოლო დღეებში უვლიდა.

ლიკა კონცელიძე 24 წლის იყო, როდესაც გარდაიცვალა. ოჯახმა ლიკას სახლიდან გასვენებაზე უარი თქვა. ცხედარი ექსპერტიზის ბიუროდან პირდაპირ სასაფლაოზე გადაასვენეს და საფლავის ქვაზეც ბიჭის სახელი დააწერეს „ავთუკა“. 

სამოქალაქო ორგანიზაციამ „თანასწორობის ჯილდო“ დღეს კიდევ 8 ადამიანს გადასცა – მათ, ვისაც წვლილი აქვთ შეტანილი ლგბტქ-ს უფლებების დაცვაში და ამ თემის წევრების გაძლიერებაში.

წყარო: batumelebi.ge