1714044065
ვიდეოები
1714027380
VIDEO: „გენაცვალეთ მაგ გენიალურ ხმაში…” – ანრი და მაგდალენა ჯოხაძეების საოცარი ნამღერიანრი ჯოხაძემ ფილარმონიაში სოლო კონცერტი გამართა. მომღერალმა დასთან, მაგდალენა ჯოხაძესთან ერთად დუეტში საოცრად იმღერა.,,ნიჭიერების ზეიმი, საამაყო და საყვარელი ქართველები”…,,გენაცვალეთ მაგ გენიალურ ხმაში”, – ვკითხულობთ კომენტარებში.
1713973316
1709715674
ნახეთ, რომელ სტუდენტებს დაუფინანსებს მერია გაზაფხულის სემესტრის სწავლის საფასურს
„თბილისში მცხოვრები სოციალურად დაუცველი, მრავალშვილიანი ოჯახის წევრი და შშმ სტატუსის მქონე სტუდენტებისთვის გაზაფხულის სემესტრის სწავლის საფასურის დაფინანსების მიზნით, განცხადებების მიღება იწყება“, – ამის შესახებ თბილისის მერმა დედაქალაქის მთავრობის დღევანდელ სხდომაზე განაცხადა.კახა კალაძის თქმით, აღნიშნული პროგრამა ძალიან მნიშვნელოვანია და ხელს უწყობს იმ უამრავ ახალგაზრდას, ვისაც მხარდაჭერა და თანადგომა სჭირდება.„მინდა, დავიწყო მნიშვნელოვან პროგრამასთან დაკავშირებით, რომელიც რამდენიმე წელია, მიმდინარეობს. ეს არის სტუდენტების სწავლის დაფინანსების პროგრამა. მინდა, ამასთან დაკავშირებით კიდევ ერთხელ მოგაწოდოთ ინფორმაცია. 6 მარტიდან სოციალურად დაუცველი, მრავალშვილიანი ოჯახის წევრი და შეზღუდული შესაძლებლობის სტატუსის მქონე სტუდენტებისთვის 2023-2024 სასწავლო წლის გაზაფხულის სემესტრის სწავლის საფასურის დაფინანსების მიზნით ვიწყებთ განცხადებების მიღებას“, – განაცხადა კახა კალაძემ.თბილისის მერის თქმითვე, დაფინანსდებიან თბილისის მუნიციპალიტეტის ტერიტორიაზე რეგისტრირებული პირები, რომლებიც ირიცხებიან ბაკალავრიატის, მაგისტრატურის ან დოქტორანტურის აკადემიურ საფეხურზე, აქვთ სტუდენტის აქტიური სტატუსი და არიან მრავალშვილიანი ოჯახის წევრები, სოციალურად დაუცველი ოჯახების ერთიან ბაზაში ან აქვთ შეზღუდული შესაძლებლობის სტატუსი.გასაცემი დაფინანსების ოდენობა დამოკიდებულია სტუდენტის მიერ წინა სემესტრში გავლილ საგნებში მიღებული შეფასებების საშუალო არითმეტიკულ ქულაზე და სტუდენტებს შეუძლიათ, მიიღონ სემესტრული თანხის ფარგლებში არაუმეტეს 1125 ლარი. 50, 70 ან 100-პროცენტიანი დაფინანსება“, -თქვა კახა კალაძემ.
სხვა სიახლეები
პოლიტიკა • 1714044065
საქართველოს შესახებ მომზადებული რეზოლუციის კენჭისყრა ევროპარლამენტში რამდენიმე წუთის წინ დასრულდა. ევროდეპუტატებმა მხარი დაუჭირეს ხუთივე შესწორებას. შესაბამისად, რეზოლუციაში ჩაიწერა, რომ გამჭვირვალობის კანონი შეუთავსებელია ევროკავშირის ღირებულებებთან და ეწინააღმდეგება ქვეყნის ევროპულ ამბიციებს, ევროკავშირში გაწევრიანების მოლაპარაკებები კი ვერ დაიწყება, სანამ ეს კანონი საქართველოს სამართლებრივი წესრიგის ნაწილი იქნება.დოკუმენტში საუბარია ბიძინა ივანიშვილის დასანქცირებაზე, სააკაშვილის ჰუმანიტარული მიზნით გათავისუფლებაზე, ინიცირებული კანონის გავლენაზე ვიზალიბერალიზაციის კრიტერიუმების შესრულების ნაწილში, ასევე - მოწოდებაზე, გაუქმდეს შემოთავაზებული საკონსტიტუციო კანონმდებლობა, რომელიც ლგბტქიუ პირების უფლებებს ზღუდავს.
რჩევები • 1714044000
მამაკაცის 3 ტიპი, რომლებიც არასოდეს არ უნდა შეგიყვარდეთ
არსებობს ბევრი ბიჭი, რომლებსაც ურთიერთობასთან დაკავშირებული პრობლემები აქვთ. და თუ ერთ-ერთ მათგანს შეხვდებით, ეს კარგი სულაც არ არის... თქვენი ურთიერთობა არ განვითარდება და მას არასოდეს შეუყვარდებით - რაც უფრო ადრე გააცნობიერებთ ამას, მით უფრო მალე იპოვით ნამდვილ ბედნიერებას და სიყვარულს.დაიმახსოვრეთ: ნუ ეცდებით მათ შეცვლას; ნუ ეცდებით მათ დახმარებას; ნუ ეცდებით მათ გადარჩენას - ამის ნაცვლად, უბრალოდ გაიქეცით!1. დედიკოს ბიჭიჩვენ ყველა ვიცნობთ ასეთ ბიჭს - ის არ იღებს გადაწყვეტილებებს დედის თანხმობის გარეშე!ის ვერ შეგიყვარებთ, რადგან მისი გული უკვე დაკავებულია და დედამისს ეკუთვნის. ეს ცუდი როდია, მაგრამ ეს მამაკაცი სახლის დალაგებასა თუ ტანსაცმლის არჩევაში დედას ეხმარება - და არა თქვენ.ის მის აზრს იზიარებს და ეთანხმება და არა თქვენსას; როდესაც ავადაა, უნდა რომ მხოლოდ დედამ იზრუნოს და არა თქვენ; ის 30 წლისაა და მას უკვე ჰყავს ცხოვრების მთავარი სიყვარული.2. „ურთიერთობისთვის მზად არ ვარ“ქალბატონებო, ეს აქამდე უკვე მოგისმენიათ და კიდევ მოისმენთ. თუ ის ამბობს, რომ არ სურს სერიოზული ურთიერთობა და ვალდებულება, ის ამას გულისხმობს და თქვენ ამას პატივი უნდა სცეთ მის აზრს! თქვენ არ უნდა სცადოთ მისი შეცვლა!და თქვენ ვერასდროს მიიღებთ იმას, რაც ნამდვილად გსურთ; ხოლო თუ დაელოდებით როდის შეიცვლება და გადალახავს ამ შიშს, ეს უბრალოდ არასოდეს მოხდება! ყოველ შემთხვევაში, თქვენთან მაინც...3. მოთამაშე ბიჭიეს ბიჭი მხოლოდ ერთი საქმისთვისაა შექმნილი და მისი მთავარი ფუნქცია თამაშია. და თუ ის თქვენზე დაქორწინდება, გამოიცანით რა მოხდება? დიახ, ის მაინც მოთამაშესავით მოიქცევა, მაგრამ ამჯერად, მას სერიულ მატყუარას დაუძახებთ.მას არ სურს სერიოზული ურთიერთობა და არც თქვენ გსურთ მასთან რაიმე სახის კომუნიკაცია, რადგან მხოლოდ დროს კარგავთ. სასწრაფოდ მიატოვეთ ის და მისი ფობია - მათ შორის, თქვენი ადგილი არ არის!
პოლიტიკა • 1714043475
ანალიტიკოსი გია აბაშიძე ევროპარლამენტის იმ რეზოლუციას ეხმიანება, რომელიც „ნაციონალური მოძრაობის“ პარტნიორი EPP-ის შემუშავებულია და აფხაზეთი ცალკე სახელმწიფოდ არის მოხსენიებული.ანალიტიკოსის თქმით, ევროპარლამენტში აფხაზეთის მოხსენიება სახელმწიფოდ ყირგიზეთთან ერთად, შეურაცხმყოფელი პოლიტიკური უხამსობაა.მისივე თქმით, იმ ინსტიტუტიდან, სადაც სააკაშვილი ე.წ. "წამებული პოლიტიკური პატიმარია" და კეზერაშვილი ე.წ. "პატიოსანი მედია მენეჯერი", აღარაფერია გასაკვირი.„ეს არ არის პოლიტიკოსობა და ჩვენი ხელისუფლების უსაფუძვლო კრიტიკა - ევროპარლამენტში აფხაზეთის მოხსენიება სახელმწიფოდ ყირგიზეთთან ერთად, შეურაცხმყოფელი პოლიტიკური უხამსობაა.იმ ინსტიტუტიდან, სადაც სააკაშვილი ე.წ. "წამებული პოლიტიკური პატიმარია" და კეზერაშვილი ე.წ. "პატიოსანი მედია მენეჯერი", აღარაფერია გასაკვირი. ცალკეული ევროპარლამენტარების ბიოგრაფიებიდან და სამარცხვინო განცხადებებიდან გამომდინარე, შეუძლებელია იმის თქმა, რომ ისინი სამაგალითო ევროპელებს წარმოადგენენ.“-წერს გია აბაშიძე Facebook-ზე.
პოლიტიკა • 1714042725
ჩვენ ვაკეთებთ იმას, რასაც ითხოვს საზოგადოება, საზოგადოება ითხოვს, ჰქონდეს მეტი ინფორმაცია მათ შესახებ, ვინც მათ ცხოვრებაზე ახდენს გავლენას, – ამის შესახებ საქართველოს პარლამენტის თავმჯდომარე შალვა პაპუაშვილმა ბათუმში, რეგიონულ მედიასთან შეხვედრაზე განაცხადა.პაპუაშვილის თქმით, საზოგადოებას აინტერესებს, ქვეყანაში რა ფინანსდება და ვისგან ფინანსდება.„გვქონდა მცდელობა, მათ შორის ამ ერთი წლის განმავლობაში, დაგვერწმუნებინა როგორც „ენჯეოები“, ისე მათი დონორები, რომ მათ თვითრეგულირებით, პირადი ინიციატივით აეღოთ ვალდებულება და გაესაჯაროებინათ ის, რაც ჰქონდათ 2016 წელს ნათქვამი.სამწუხაროდ, ეს ვერ მივიღეთ. როგორც ჩანს, დასამალი არის რაღაცები საზოგადოებისგან. თქვენ როცა საუბრობთ, რომ სახელმწიფომ შეიძლება, რაღაც იცის, აქ იგულისხმება საგადასახადო ორგანო, სადაც მიდის ნაწილი ინფორმაციისა, პირობითად საშემოსავლო გადასახადის. ფინანსთა სამინისტროს საერთოდ არ აინტერესებს ამ პროექტების შინაარსი და მიზნობრიობა. ბუღალტრული ანგარიშგებაა, რაც იქ ხდება. შინაარსი არავის აინტერესებს, შინაარსი აინტერესებს საზოგადოებას – რა ფინანსდება, ვისგან ფინანსდება, რადგან შემდეგ შემთხვევით აღმოვაჩენთ ხოლმე, რომ შემოდის ფული. მაგალითად, კიდევ ერთხელ დავასახელებ ევროპის დემოკრატიის ფონდს, რომლის ხელმძღვანელობაში არიან ზუსტად ის ევროპარლამენტარები, რომლებზეც ახლა ვსაუბრობდი. მათგან ორი არის ხელმძღვანელ ორგანოში ევროპის დემოკრატიის ფონდისა. კანონი მათ შორის ამ ფონდის გამჭვირვალობას ეხება.რა თქმა უნდა, მათი ინტერესის წინააღმდეგ არის, რომ ამ კანონმა იმოქმედოს, ვინაიდან შემდეგ გახდება ცნობილი, რას აფინანსებს ევროპის დემოკრატიის ფონდი საქართველოში. პირდაპირ ინტერესთა კონფლიქტიც კი არის ჩადებული ამ რეზოლუციაში – ევროპარლამენტარები, რომლებიც მალავენ საქართველოში შემოსულ თანხებს, იძულებული იქნებიან, გაასაჯაროონ ეს თანხები. მაგალითად, შემთხვევით გავიგეთ, რომ ევროპის დემოკრატიის ფონდი აფინანსებდა „დროას“ და თურმე არსებობს ყალბი სქემა, როდესაც პარტია „დროას“აქვს შექმნილი ენჯეო „დროა“, რომელსაც, ასე ვთქვათ, არანაირი საკუთარი ინდივიდუალობა არ აქვს და ეს ფული მიდიოდა პარტიის დაფინანსებაში. შემთხვევით გავიგეთ, რომ ევროპის დემოკრატიის ფონდი აფინანსებდა „მოლოტოვის კოქტეილების“ რომანტიზების პროექტებს „სირცხვილიას“ მეშვეობით. შემთხვევით ვიგებთ ხოლმე, რომ პარტიებს მთელი სქემა აქვთ აწყობილი პარტიული „ენჯეოებისა“, რომლითაც ხდება დაფინანსება.ევროპის დემოკრატიის ფონდთან დაკავშირებით საუბარი მქონდა, მათ შორის ევროკავშირის სხვადასხვა ინსტიტუციის წარმომადგენელთან. მათ შორის ევროკავშირიდან ერთ-ერთმა მაღალი თანამდებობის პირმა დამიდასტურა, რომ სხვა ქვეყნებშიც არსებობს წუხილი ევროპის დემოკრატიის ფონდთან დაკავშირებით, რომ ისინი ფარულად მოქმედებენ, აფინანსებენ რადიკალურ ჯგუფებს, პოლიტიკურ პარტიებს. ასევე დამიდასტურა, რომ გაეცნო, რა პროექტებს აფინანსებენ და იქ ნამდვილად ჩანს, რომ ეს არის პოლიტიკური ფული, თუმცა, ჩემს თხოვნაზე, წარმოედგინათ და გაესაჯაროებინათ ეს პროექტები, სამწუხაროდ, უარი მივიღე. უპირველეს ყოვლისა, უარი მიიღო ჩვენმა საზოგადოებამ. ამიტომ, ჩვენი მიდგომა მარტივია, ვაკეთებთ იმას, რასაც ითხოვს საზოგადოება. საზოგადოება ითხოვს, ჰქონდეს მეტი ინფორმაცია მათ შესახებ, ვინც მათ ცხოვრებაზე ახდენს გავლენას. შესაბამისად, ამ ინტერესით ვმოქმედებთ. ხედავთ, როგორია, მათ შორის საზოგადოების მხარდაჭერა ამ საკითხთან დაკავშირებით. რა თქმა უნდა, საქართველოს პარლამენტი გეგმავს, მიიღოს ეს კანონი“, – განაცხადა შალვა პაპუაშვილმა.
რჩევები • 1714042261
ეზოტერიკოსი, წინასწარმეტყველი გოგა მანია ჟურნალ „თბილისელებთან“ ინტერვიუში ფინანსური კეთილდღეობის მოსაზიდ რიტუალებს გვიზიარებს:– ფინანსური კეთილდღეობისთვის თუ არსებობს ეზოთერიკული რიტუალები, შეგიძლიათ ისინი გაგვანდოთ, რომ ფულის შემოდინებას შევუწყოთ ხელი?– ძალიან კარგია, თვის პირველ და თხუთმეტ რიცხვში, ანუ თვეში ორჯერ, დარიჩინის ფხვნილი დაიყაროთ მარჯვენა ხელის გულზე, დადგეთ კარის ზღურბლზე და სულის შებერვით ფხვნილი სახლში შეაფრქვიოთ. მანამდე კი, აუცილებლად, ხელებიდან მარილის დახმარებით უნდა ჩამოირეცხოთ უარყოფითი ენერგია – დაიყარეთ ხელის გულზე მარილი, შეიზილეთ და შემდეგ გამდინარე წყლით ჩამოიბანეთ.დარიჩინი ცეცხლის ენერგიის მქონეა და მას ფინანსური კეთილდღეობა მოაქვს, მარილი კი ნეგატივს გაცილებთ. ეს რიტუალი დიდი ფინანსური კეთილდღეობის მომტანია. ეს თავად გამომიცდია საკუთარ თავზე.ფინანსური ენერგიებისთვის, ასევე, ძალიან კარგია მზის ჩასვლისას, დარიჩინის ჩხირის დაწვა – მოუკიდეთ მას ცეცხლი და შემოატარეთ ოთახის კუთხეებში. ხშირად ამბობენ, არ არის კარგი დაფნის ფოთლის დაწვაო. მე კი გეტყვით რომ, მისი დაწვით შეგიძლიათ, სურვილები აისრულოთ. თუ სურვილების ასრულება და მიზნის მიღწევა გსურთ, დააწერეთ დაფნის ფოთოლს სურვილი, დაწვით სახლში და ფერფლი აივნიდან ან ფანჯრიდან ქარს გაატანეთ.
