აშშ-ში გულძმარვის წამალი სიმსივნის რისკის გამო აღარ გაიყიდება

17:10 09-29-2019
92

ამერიკული საცალო მოვაჭრე CVS-ი უკანასკნელია, რომელმაც გულძმარვის საწინააღმდეგო წამლის Zantac-ის გაყიდვა შეაჩერა. ამის მიზეზი კი მედიკამენტსა და კიბოს გამოწვევას შორის შესაძლო კავშირზე დაწყებული გამოძიება გახდა. ინფორმაციას BBC ავრცელებს.

Zantac-ის გაყიდვის აკრძალვაზე განცხადება კანადამ და საფრანგეთმაც გააკეთეს. მედიკამენტსა და კიბოს განვითარების რისკს შორის კავშირს აშშ-სა და ევროკავშირში იძიებენ. ჯანდაცვის სისტემის ოფიციალური წარმომადგენლების განცხადებით, ამ ორს შორის პირდაპირი კავშირი არ არსებობს, თუმცა პაციენტებს, რანიტიდინის შემცველი ალტერნატიული წამლების შესახებ ექიმებთან კონსულტაციისკენ მოუწოდებენ.  

13 სექტემბერს აშშ-ს სურსათისა და წამლების ადმინისტრაციამ (FDA) და მედიკამენტების ევროპულმა სააგენტომ (EMA) გადაწყვეტილებები გამოაქვეყნეს, რომლითაც რანიტიდინის შემცველ მედიკამენტებში დიმეთილნიტროზამინის (NDMA) არსებობაზე შემოწმებებს მოითხოვენ.

NDMA აღმოჩენილია წყალში, საკვებში, მათ შორის ხორცსა და ყოველდღიურ პროდუქტებში, ასევე ბოსტნეულში, თუმცა ძალიან მცირე ოდენობით მისი მიღება ივარაუდება, რომ ზიანს არ იწვევს. 

რანიტიდინის შემცველი პროდუქტები გამოიყენება კუჭის წვენის მჟავის გამოყოფის შესამცირებლად იმ პაციენტებში რომლებსაც გულძმარვა და კუჭის წყლული აწუხებთ.