13 წლის ბავშვს, რომელიც სიმსუქნის გამო გარდაიცვალა, 1 კვირით ადრე დედა მაინც ძალით აჭმევდა - ბრიტანეთში ამ ფაქტზე გამოძიება დაიწყო

22:59 09-13-2019
12964

ინგლისის ქალაქ მანჩესტერში 13 წლის ბიჭი ჭარბი წონის გამო გარდაიცვალა. ამის შესახებ The Sun-ი წერს.

ბავშვს ადრეული ასაკიდან ჰქონდა ჭარბი წონის პრობლემა. 3 წლისა უკვე 30 კილოგრამს იწონიდა. მოგვიანებით, სკოლის ექიმებმა და მასწავლებლებმა ერთხმად ასწიეს განგაში და მოითხოვდნენ, რომ ბიჭს მეტი უნდა ემოძრავა.

ბავშვის დედა ამან აღაშფოთა ვინაიდან ჩათვალა, რომ სკოლა შვილის აღზრდაში ერეოდა. ამიტომაც, მას ბიჭი სკოლაში ისევ ძველებურად მანქანით დაყავდა. ფიზკულტურის მასწავლებლის რჩევით ბავშვი სპეციალურ დიეტაზე იყო, ჩაება სპორტში და დადიოდა კურსებზე თავდაჯარებულობის ასამაღლებლად. ამ ყველაფერს ის დედას უმალავდა.

სასამართლო გამოძიებამ დაადგინა, რომ მხოლოდ დღის პირველ ნახევარში ბავშვი 2 ათას კალორიას იღებდა. 2014 წლის დეკემბერში ბიჭი სისხლძარღვების პრობლემით საავადმყოფოში მიიყვანეს. მომდევნო ვიზიტზე ის აღარ მისულა.

გაცხიმიანების გამო ბავშვს კარდიომიოპათია განუვითარდა და გული დაუზიანდა. ჭარბი წონის გამო ექიმებმა ინპლანტაცია ვერ მოახერხეს. გარდაცვალებამდე რამდენიმე კვირის განმავლობაში მას დედა ისევ ძალით აჭმევდა.

ფაქტზე გამოძიება მიმდინარეობს. ექსპერტები მიიჩნევენ, რომ გარდაცვალების მიზეზი „შეუთანხმებელი მკურნალობა“ იყო. ექიმებს მისი დახმარება უნდოდათ, თუმცა ერთმანეთში ინფორმაციას არ ცვლიდნენ. არც საერთო გამოკვლევა ჩაუტარებიათ.