კარგი იქნებოდა, წელს ანაკლიის პორტის ინვესტიცია მიგვეღო, ეს წლევანდელ სტატისტიკას ძალიან წაადგებოდა - ნათია თურნავა

15:15 09-09-2019
10

„კარგი იქნებოდა, წელს ანაკლიის პორტის ინვესტიცია მიგვეღო, თუმცა კონსორციუმის მოთხოვნით კიდევ ერთხელ მოგვიწია გადავადება“,- ამის შესახებ საქართველოს ეკონომიკის მინისტრი ნათია თურნავა აცხადებს.

„რა თქმა უნდა, მოლოდინი გვქონდა და კარგი იქნებოდა, წლევანდელ წელს მიგვეღო ანაკლიის ღრმაწყლოვანი პორტის ინვესტიცია, როგორც ეს იყო გათვალისწინებული. 2017 წლიდან მოყოლებული ჩვენ ველოდებით ამ ინვესტიციას. თუმცა, სამწუხაროდ, კონსორციუმის მოთხოვნით, კიდევ ერთხელ მოგვიწია გადავადება. წინააღმდეგ შემთხვევაში, ეს ძალიან სოლიდური ინვესტიცია წლევანდელ სტატისტიკას ძალიან წაადგებოდა“,- აღნიშნა თურნავამ.

საქსტატის მონაცემებით, 2019 წლის მეორე კვარტალში პირდაპირი უცხოური ინვესტიციები საქართველოში 53.7 პროცენტით შემცირდა და 187 მილიონი დოლარი შეადგინა.