„ფული გვაქვს, შენობა - რ2-ზე უკეთესი“ - ნიკა გვარამია ჟურნალისტებთან კონტრაქტების დადებას იწყებს

15:34 08-21-2019
14808

ნიკა გვარამია იუწყება, რომ მისი ტელევიზია მზად არის მაუწყებლობისთვის. უკვე შერჩეულია შენობაც. ამის შესახებ ის Facebook-ზე წერს.

„მეგობრებო, მე ჩემი სათქმელი ყველას ვუთხარი: ვაკეთებ ამბიციურ ტვს, ინვესტორები - არის, ანუ ფული გვაქვს, შენობა - რ2ზე უკეთესი, კრიტიკული დაცსაუკეთესი არხი ცხვება. მთავარი ხალხი, ვინც რ2ს აკეთებდა, ბორტზეა და გავდივართ.

აწი ხვეწნას არ ვაპირებ. ვინც აახტებით მიმავალ გემს და გამარჯვებულ ნავში ყოფნას ისურვებთ, თქვენი გადასაწყვეტია. მეორე არჩევანი - ივანიშვილის ტვა. მერე არ თქვათ, რომ არჩევანი არ გქონდათ და კრედიტი და შვილებს რა ვაჭამო არ მოიმიზეზოთ.

მოკლედ, იყავით ჩვენთან ერთად და

მოიპოვეთ

ჩვენთან 

ერთად

თავისუფლება

ps ბოლო ოთხის სიტყვა მთავარი არხის სლოგანია.

pps ორშაბათიდან ვიწყებთ დაკონტრაქტებას. ვისაც უნდა პატასალია რჩება, ვისაც თავისუფლება - მოდის. as simple as that“, - წერს ნიკა გვარამია.