ნარკოტიკული საშუალების უკანონოდ შეძენა-შენახვა-გასაღებისთვის ბრალდებულს 9 წლით თავისუფლების აღკვეთა მიესაჯა

14:45 08-14-2019
21

თბილისის საქალაქო სასამართლომ ნარკოტიკული საშუალებების და დიდი ოდენობით ნარკოტიკული საშუალების უკანონოდ შეძენა-შენახვა-გასაღების ფაქტზე ბრალდებული ა.ა. დამნაშავედ ცნო.  

სასამართლო პროცესზე გამოკვლეული მტკიცებულებებით დადასტურდა, რომ ა.ა.-მ  უკანონოდ შეიძინა  ნარკოტიკული საშუალება 0,064 გრ. და 0,206 გრ. „ჰეროინი“, საიდანაც ნაწილი 2018 წლის 9 ივლისს  100 ლარად, ხოლო  12 ივლისს 200 ლარად უკანონოდ გაასაღა გ.კ.-ზე.

სამართალდამცველებმა ა.ა. 2018 წლის 12 ივლისს დააკავეს. მას ბრალდება საქართველოს სისხლის სამართლის კოდექსის 260-ე მუხლის 1-ლი,  მე-4 ნაწილებით,  მე-3 ნაწილის „ა“  და მე-5 ნაწილის „ა“ ქვეპუნქტებით წარედგინა  (ნარკოტიკული საშუალების უკანონოდ შეძენა, შენახვა, გასაღება, დიდი ოდენობით ნარკოტიკული საშუალების უკანონოდ შეძენა, შენახვა, გასაღება) და აღკვეთის ღონისძიების სახით პატიმრობა შეეფარდა. 

თბილისის საქალაქო სასამართლომ ა.ა. დამნაშავედ ცნო წარდგენილ ბრალდებაში და სასჯელის სახედ და ზომად 9 წლით თავისუფლების აღკვეთა განუსაზღვრა.