პრეზიდენტი ემიგრანტებს მიმართავს

13:15 07-27-2019
1893

საქართველოს პრეზიდენტი ემიგრანტებს მიმართავს გამოიყენონ კანონი, რომლითაც საშუალება აქვთ, ქვეყნის მოქალაქეობა მარტივი პროცედურით შეინარჩუნონ.

„15 აგვისტომდე მოქმედებს კანონი, რომელიც ქართველ ემიგრანტებს საშუალებას აძლევს ჩვენი ქვეყნის მოქალაქეობა მარტივი პროცედურით შეინარჩუნონ. 
ეს ინიციატივა რამდენიმე წლის წინ დავიწყე, ჩემთვის სტრატეგიულად მნიშვნელოვანია თითოეული მოქალაქის შენარჩუნება და მიხარია, რომ საქართველოს ათასობით მოქალაქემ უკვე გამოიყენა ეს შანსი! 
განსაკუთრებით მინდა ვთხოვო იმ ქართველ ემიგრანტებს, ვინც ზაფხულს საქართველოში ატარებენ, თუკი ბოლო ხანებში სხვა ქვეყნის მოქალაქეობა მოიპოვეთ, აუცილებლად გამონახეთ დრო და მიაკითხეთ იუსტიციის სახლს!
ყველამ უნდა გამოიყენოს ეს შესაძლებლობა!“ ნათქვამია სალომე ზურაბიშვილის facebook გვერდზე გამოქვეყნებულ განცხადებაში, რომელსაც თან ახლავს ბმული- ინფორმაცია საქართველოს მოქალაქეობის შენარჩუნების თაობაზე