ზელენსკიმ სააკაშვილის შემცვლელები დაასახელა

23:15 07-26-2019

უკრაინის პრეზიდენტმა ვლადიმერ ზელენსკიმ თავის სოციალურ ქსელში გამოაქვეყნა პოსტი, რომელშიც ოდესის ოლქის მცხოვრებლებს მოუწოდა 5 კანდიდატიდან დამოუკიდებლად აარჩიონ ერთი გუბერნატორი.

„როგორც შეგპირდით, მოგმართავთ რჩევით ოდესის ოლქის სახელმწიფო ადმინისტრაციის გუბერნატორთან დაკავშირებით. ჩვენ 5 კანდიდატი შევარჩიეთ, რას იტყვით აბა?“, - წერს ზელენსკი

ის, რომ ოდესის გუბერნატორს კონკურსზე აირჩევდნენ ცნობილი 13 ივლისს გახდა. ამ დღეს ზელენსკი ოდესაში იყო ჩასული. ოდესელებთან საუბრის დროს, უკრაინის ლიდერმა თქვა, რომ ვერ გარისკავს და ამიტომ კონკურსს ჩაატარებს. 

ამჟამად ოდესის ოლქს ზელენსკის მიერ დანიშნული სვეტლანა შატალოვა ხელმძღვანელობს. მანამდე ოდესის ოლქის ლიდერი სერგეი პარაშენკო იყო, რომელმაც მაქსიმ სტეპანოვი შეცვალა.

2015-2016 წლებში, ოდესის გუბერნატორი საქართველოს ექსპრეზიდენტი მიხეილ სააკაშვილი იყო.