შეგიძლიათ მიწეროთ, გაამხნევოთ - ახალი ინფორმაცია 3 თვის გვანცას მდგომარეობაზე, რომელიც ახლა ბორდოშია

11:56 07-11-2019
167

3 თვის ქართველი ბავშვის ჯანმრთელობის მდგომარეობაზე „პრაიმტაიმმა“ უკვე დაწერა.

პატარა გოგო ამჟამად საფრანგეთში ექიმების მეთვალყურეობის ქვეშაა.

სოციალურ ქსელში პატარას შესახებ დამატებითი ინფორმაცია გავრცელდა, რომელსაც უცვლელად გთავაზობთ.

„თიკო და გვანცა ბორდოში არიან კლინიკაში. პარიზის კლინიკის უარის შემდეგ ოჯახი ბორდოში დაბრუნდა, რადგან თავშესაფრის მაძიებლად მკურნალობის მიღების მიზნით პირველად სწორედ ბორდოში დარეგისტრირდნენ, დროებითი საცხოვრებელიც იქ აქვთ.

დღეს გვანცა ბორდოს კლინიკაში მოხვდა ნახველის მსგავსი ხიხინის ჩივილით. ეს ის ეტაპია, რისიც ყველაზე მეტად გვეშინია. ამ დაავადების პროგრესი რესპირატორული გართულებაა.ზრდასთან ერთად ნეირონების და კუნთების დეგენერაციის პროცესი კიდურებიდან ზემოთ მიდის და სასიცოცხლო ფუნქციები უარესდება. 

გვანცას შემთხვევაში ისე მოხდა, რომ დაავადება ადრეულ ეტაპზე დაუდგინდა ახლობელი ნეონატოლოგის დიმიტრი ტოკლიკიშვილის და ნევროლოგის გია მელიქიშვილის დახმარებით. ოჯახმა საფრანგეთში ჩასვლა მის დამძიმებამდე მოახერხა. გაცილებით ეფექტურია მკურნალობა პროგრესის დაწყებამდე. იმედი გვაქვს, ეს უბრალოდ გაციებაა და არა დაავადების წინსვლის ნიშანი. წესით, ჯერ კიდევ აქვს დრო 4-5 თვემდე. საფრანგეთი ფულს არ ითხოვს. უბრალოდ ამბობს, რომ ამ პირველი ტიპის სპინალური ატროპია ყველაზე მძიმე ფორმაა, განკურნებას არ ექვემდებარება და გვანცას ბავშვთა ჰოსპისში გადაყვანა ურჩია.

მეგობრებო, ეს არის თიკოს პირადი გვერდი Tiko Mchedlishvili. შეგიძლიათ მიწეროთ, გაამხნევოთ. თუ არ გიპასუხათ, არ გეწყინოთ, არ გაგიკვირდეთ. ვიდეო მიმართვის ჩაწერასაც კი ვერ ახერხებს მძიმე ემოციური გადატვირთვის ფონზე. 

უდიდესი მადლობა ყველას დახმარებისთვის, თანადგომისთვის. არასოდეს არავის ვუსურვებთ იმ გზის გავლას, რასაც ორი თვეა თიკო, ირაკლი, გვანცა გადიან. ამ უმძიმეს ემოციასთან ერთად, თქვენი მხარდაჭერა ძალიან დიდი დადებითი ენერგიის მომცემია. უფლის და თქვენი იმედით.

გვანცა 3,5 თვის არის. 1 თვის ასაკში დაუდგინდა უმძიმესი და იშვიათი გენეტიკური დაავადება- სპინალური ამიოტროფია (SMN)- Werdnig Hoffman დაავადება, რომელიც ფატალურია. ასაკის შესაბამისი გონებრივი განვითარების ფონზე კუნთების დეგენერაცია მიმდინარეობს. 2016 წლის შემდეგ მსოფლიოში გაჩნდა ერთი მედიკამენტი Spinraza (ნახევარი მილიონი დოლარი) და მეორე- მკურნალობის გენური თერაპიის მეთოდი- Zolgensma, რომელიც დედამიწაზე ყველაზე ძვირადღირებულია (2 მილიონი დოლარი). ახლა ვაწარმოებთ კომუნიკაციას ევროპის სხვა ქვეყნებისა და ამერიკის კლინიკებთან, რადგან ნანახი გვაქვს შედეგები. ამერიკის კლინიკებთან კომუნიკაციისას იკვეთება, რომ დაზღვევის ან თანხის ჯიბიდან გადახდის შემთხვევაში შესაძლებელია მკურნალობის დაწყება. ორივე მედიკამენტი გამოიყენება 1 ფორმის სპინალური ატროფიისას 2 . ბავშვს სიცოცხლის შანსი უნდა მივცეთ.

შემოწირულობისათვის:
საბანკო კოდი - TBCBGE22
მიმღების დასახელება - თინათინ მჭედლიშვილი ანგარიშსწორების ანგარიში - GE60TB7305045064300006.

აპარატით გადარიცხვის მსურველთათვის. TBC Pay. დედა: თინათინ მჭედლიშვილი. პირადი ნომერი:40001008198. დაბადების თარიღი: 19.04.1985.

საბანკო კოდი - BAGAGE22
მიმღების დასახელება- ლია ჩიტაძე ( გვანცას ბებია).“, -წერია გავრცელებულ ინფორმაციაში.