20 ივნისის აქციაზე დაშავებულებიდან კიდევ სამი საზღვარგარეთ დღეს გაემგზავრა

10:36 07-04-2019
10

ოკუპირებულ ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს ცნობით, საზღვარგარეთ სამკურნალოდ 20 ივნისის აქციაზე დაშავებული 6 ადამიანი იმყოფება, მათ შორის ორი პოლიციელია.

საზღვარგარეთ სამკურნალოდ დღეს კიდევ სამი დაშავებული გაემგზავრა. ორი - ისრაელში და ერთი თურქეთში.

დაშავებულების მკურანალობის ხარჯებს „ქართუ“ ფონდი სრულად დაფარავს.

შეგახსენებთ, 20 ივნისს, საპროტესტო აქციის დროს, აქტივისტებმა პარლამენტის შენობის შტურმით აღება სცადეს, რის შემდეგაც სპეცრაზმმა მათ დასაშლელად ცრემლსადენი გაზი და რეზინის ტყვიები გამოიყენა.

შედეგად დაშავდა 240 ადამიანი, მათ შორის 80 პოლიციელი. ორმა მოქალაქემ თვალი დაკარგა.