კახეთში ავარიას 2 მამაკაცი ემსხვერპლა

13:04 06-30-2019
676

საგარეჯოში მომხდარი ავარიის შედეგად ორი ადამიანი დაიღუპა და სამი დაშავდა. სოფელ შიბლიანთან ერთმანეთს ორი ავტომობილი შეეჯახა, შედეგად ერთერთს ცეცხლი გაუჩნდა. 

ავტომანაქანაში 5 ადამიანი იმყოფებოდა. ქალისა და 2 მცირეწლოვანი ბავშვის მანქანიდან გამოყვანა მოხერხდა, ხოლო 42 და 52 წლის მამაკაცები ხანძრის გამო ადგილზე დაიღუპნენ.

დაშავებულები საგარეჯოს საავადმყოფოში გადაიყვანეს, მათი ჯანმრთელობის მდგომარეობა მძიმეა. 

ავტორი : ხათუნა გულიაშვილი