ბორჯომში გარემოს დაცვის დეპარტამენტის თანამშრომლები დაჭრეს

15:12 06-12-2019
21

ბორჯომში გარემოსდაცვითი ზედამხედველობის დეპარტამენტის თანამშრომლები დანით დაჭრეს.

გარემოსდაცვითი ზედამხედველობის დეპარტამენტის სამცხე-ჯავახეთის რეგიონული სამმართველოს ორი თანამშრომელი ცივი იარაღით დაჭრეს. დაშავებულებს ჭრილობები დანით აქვთ მიყენებული. ორივე მათგანი ამ დრომდე ბორჯომის კლინიკაში რჩება.

„გულ-მკერდის და მუცლის ღრუს მიდამოებში, ქირურგიული ოპერაცია ჩაუტარდათ. ახლა სტაბილური მდგომარეობაა, ახლო მომავალში გავწერთ“, - გვითხრა ბორჯომის კლინიკის მენეჯერმა ირაკლი დიასამიძემ.

შემთხვევა სავარაუდოდ, იმ დროს მოხდა, როცა გარემოსდაცვითი ზედამხედველობის თანამშრომლებმა კანონდარღვევის ფაქტი გამოავლინეს.

გარემოსდაცვითი ზედამხედველობის დეპარტამენტში გამოძიების დასრულებამდე კომენტარს არ აკეთებენ. პრესსამსახურში ამბობენ, რომ განცხადებას მოგვიანებით გააკეთებენ.

მომხდარს ადასტურებენ შსს-ში. უწყებაში ამბობენ, რომ დეტალურ ინფორმაციას გაავრცელებენ.

ავტორი: რუსკა გვარამაძე