პოლიტიკა • 1713445001

რაც სხვისთვის მოინდომე იგივე დაგემართა, ოღონდაც აღმატებით ხარისხში, დაწყნარდი და ნუ იფხორები მარტის აბზუნებული კატასავით - ედიშერ გვენეტაძე ალეკო ელისაშვილს

„შენი სულიერი და ფიზიკური და-ძმები ნაცმოძრაობიდან ყიოდნენ და მარჯვენას გიქებდნენ მდინარაძეს რომ მიეპარე და დაარტყი! ახლა კი მოსთქვამენ, როგორ თუ დაუგრძელეს ვიღაც მოქალაქეებმა ჩვენს ფულის ნამეტნავად მოყვარულ ძმას ელისას, ისედაც საკმაოდ მოგრძო ცხვირ-პირიო“- წერს ექსპერტი ედიშერ გვენეტაძე ალეკო ელისაშვილის შესახებ.„ ალე ასე იცის საბოლო შედეგი ღომში ჩართული მარტვილის სულგუნივით ტყლარწვამ (წელვამ)!შენი სულიერი და ფიზიკური და-ძმები ნაცმოძრაობიდან ყიოდნენ და მარჯვენას გიქებდნენ მდინარაძეს რომ მიეპარე(აბა ვაჟკაცობა და პირდაპირი მისვლის შნო და კაცობა ვინ მოგცა?!) და დაარტყი!ახლა კი მოსთქვამენ, როგორ თუ დაუგრძელეს ვიღაც მოქალაქეებმა ჩვენს ფულის ნამეტნავად მოყვარულ ძმას ელისას, ისედაც საკმაოდ მოგრძო ცხვირ-პირიო!ამიტომაც პატივცემულო "მოქალაქეთა ბელადო" სკოლაში თუ ყოფილხარ იქ ასწავლიან ცხონებული ინგლისელი გენიოსის ნიუტონის მესამე კანონს F=- F!ანუ რაც სხვისთვის მოინდომე იგივე დაგემართა, შენ ოღონდაც აღმატებით ხარისხში!ელისა მართალია აპრილია, მაგრამ ძველი სტილით მარტია, ამიტომაც დაწყნარდი და ნუ იფხორები მარტის აბზუნებული კატასავით!თორემ ვინძლო ვინმეს ისევ არ გადაეყარო ...“ , - წერს ედიშერ გვენეტაძე სოციალურ ქსელში

საზოგადოება • 1713443774

“მივდიოდით და უცებ დავინახეთ მეწყერი წამოვიდა… ორმა მანქანამ გაასწრო ...” - კადრები სვანეთიდან

შიდასახელმწიფოებრივი მნიშვნელობის ზუგდიდი-ჯვარი-მესტია-ლასდილის საავტომობილო გზის 89-ე კმ-ზე, გზის სავალ ნაწილზე ჩამოსულია მეწყერი, რომელმაც ჩაკეტა საავტომობილო მოძრაობა.ამ ეტაპზე მიმდინარეობს ტექნიკის მობილიზება, რათა უმოკლეს ვადებში გაიწმინდოს გზის სავალი ნაწილი და აღდგეს საავტომობილო მოძრაობა."მივდიოდით, ორმა მანქანამ გაასწრო და შემდეგ დავინახეთ, მეწყერი მოდიოდა. სამაშველოში დავრეკეთ და ველოდებით", - ამბობს ლაშა არაბული. 

საზოგადოება • 1713443165

საქართველოს ხელოვანები მიმდინარე პროცესებს ეხმიანებიან

ავტორთა საინიციატივო ჯგუფი (გია მაჭარაშვილი, დათო ევგენიძე, კახა ცაბაძე და სხვები... ) საქართელოს ხელოვანთა სახელით ღია წერილს აქვეყნებს და საზოგადოებას მიმართავს:„გვსურს გამოვეხმაუროთ ბოლო დღეების განმავლობაში ჩვენს ქვეყანაში განვითარებულ მოვლენებს, რომელმაც ჩვენი საზოგადოება კიდევ ერთხელ დააყენა გახლეჩისა და დაქსაქსვის წინაშე. საქართველოს ისტორია გვასწავლის, რომ როდესაც ქართველები ერთმანეთს ვუპირისპირდებოდით, ერთმანეთან ბრძოლებით საკუთარ ერთობას ძირს ვუთხრიდით, ჩვენი ქვეყნის მტრებს სწორედ მაშინ უმარტივდებოდათ გათითოკაცებულ საქართველოში მიზნების მიღწევა და ჩვენი დასუსტება.დღეს ამის დრო არ არის! თვალნათლივ ვხედავთ, რომ ჩვენი ქვეყანა საკუთარი ისტორიის ერთ-ერთ გარდამტეხ ეტაპზეა, რომლის საბოლოო შედეგი განსაზღვრავს საქართველოს, ჩვენი და ჩვენი მომავალი თაობების განვითარებას, კეთილდღეობასა და მომავალს, მხოლოდ ემოციების აყოლა და რაციონალურობის დაკარგვამ კი, შესაძლოა, დიდი განსაცდელის წინაშე დაგვაყენოს. დღეს სწორედ ჩვენი თაობაა ამ ისტორიული პროცესის მონაწილე და თუკი არ გვურს ჩვენი წინაპრების ნაშენები კედელი ჩამოიშალოს და მომავალ თაობებეს თვალი ვერ გავუსწუროთ, უნდა გავიაზროთ, რომ ერთიანობა ერთადერთი გამოსავალია.ღრმად გვწამს, რომ მხოლოდ ერთიან, მტკიცედ მდგარ ქართველ ერს შეუძლია საკუთარი სუვერენიტეტის დაცვა და მათთვის ღირსეული პასუხის გაცემა, ვინც მის ხელყოფას შეეცდება. მხოლოდ ქართველი ხალხის ერთიანობით შეგვიძლია მოვიპოვოთ სიმშვიდე და მშვიდობა, რაც კეთილდღეობის, განვითარების, ფეხზე მყარად დგომის, ნათელი მომავლისა და გაერთიანებული საქართველოს საწინდარია.დღეს, თუკი გვსურს საკუთარი ბედი და მომავალი თავად განვსაზღვროთ, საკუთარი სუვერენიტეტი დავიცვათ და გავამყაროთ, მალე დავიბრუნოთ დიდი ხნის კუთვნილი ადგილი ევროპულ ოჯახში არა საკუთარი ინტერესების დაზიანების, დაპირისპირებისა და არეულობის, არამედ განვითარების, ერთიანობისა და მშვიდობის დროა!“ - ნათქვამია განცხადებაში. 

ტაბლოიდი • 1713441840

„ეს არის გენეტიკის ძალა...“ - მოდელი ანა შელია შვილთან ერთად გადაღებულ ფოტოს აქვეყნებს

მოდელი, ანა შელია, სოციალურ ქსელში შვილთან ერთად გადაღებულ ფოტოს აქვეყნებს, რომელსაც უამრავი დადებითი კომენტარი აქვს. „აი ეს არის გენეტიკის ძალა“. „ულამაზესები ხართ“,- წერენ კომენტარებში. 

საზოგადოება • 1713441242

„ჩემზე ბედნიერი, ალბათ, მამაჩემიაო, ეს რომ ვნახე გავგიჟდი“ - რას ჰყვება ბუდუ ზივზივაძის მამა შვილზე

გამარჯვება, რომლითაც საქართველოს ეროვნულმა საფეხბურთო ნაკრებმა მთელ ქვეყანას უდიდესი ზეიმის მიზეზი მისცა, ალბათ, დაუვიწყარი იქნება. რა თქმა უნდა, ეს შედეგი ბევრი ადამიანის შრომის შდეგია, თუმცა, ამ დღეს განსაკუთრებული გმირები ჰყავს და ერთ-ერთი მათგანი ბუდუ ზივზივაძეა. ბუდუს ცხოვრების შესახებ მისი მამა – ბატონი კახა „თბილისელებთან“ საუბრობს.გთავაზობთ ამონარიდს ინტერვიუდან:კახა ზივზივაძე: პირველ რიგში, ეს გუნდის გამარჯვებაა, თითოეული ფეხბურთელის. მათ სამწვრთნელო შტაბთან, ექიმებთან, საერთოდ – მთელ ფედერაციასთან და საქართველოსთან ერთად შეძლეს ამ გამარჯვების მიღწევა. მთელმა ქვეყანამ ისეთი მუხტი მისცა ბიჭებს, რომ უკან დასახევი გზა აღარ იყო – ერი გამარჯვებას ელოდა. ეს უდიდესი სიხარულია და მთელი ოჯახი ძალიან ბედნიერი ვართ იმის გამო, რომ ჩვენმა შვილმა ამ გამარჯვებაში საკუთარი წვლილი შეიტანა, როგორც ერთ-ერთმა მებრძოლმა.– როგორი შვილია, როგორი მეუღლე და როგორი მამაა?– ძალიან მოსიყვარულე და ყურადღებიანია, დღე არ გავა, რომ არ დაგვეკონტაქტოს. ძალიან თბილი ადამიანია, სულ ცდილობს, საყვარელ ადამიანებს სურვილები აუსრულოს. გვეუბნება ხოლმე, თქვენ რომ არ გადაგეწყვიტათ, ჩემი ცხოვრება ამ მიმართულებით წასულიყო, არ ვიცი, რა იქნებოდაო და ამას ძალიან აფასებს. ალბათ, ნახეთ ვიდეო, გამარჯვების შესახებ რომ ამბობს, ჩემზე ბედნიერი, ალბათ, მამაჩემიაო, ეს რომ ვნახე გავგიჟდი.ჩვენი რძალიც ქუთაისელია. ერთმანეთი სოციალურ ქსელში გაიცნეს. სიყვარულმა შედეგი გამოიღო – ქალიშვილი შაი. გაოცებული ვარ, როცა ვხედავ, როგორი მამაა ბუდუ, მიუხედავად მისი დატვირთული რეჟიმისა. გაგიჟებული მამაა. აქ რომ ჩამოდიან, ბუდუს მალე უწევს უკან წასვლა და თუ მეუღლესა და ბავშვს ცოტა დააგვიანდათ გერმანიაში გადაფრენა, თითებზე ითვლის დღეებს. ძალიან აფასებს ცოლ-შვილს და უზომოდ ყურადღებიანია. მე და ჩემი მეუღლე რომ ვუყურებთ, სასიამოვნოდ გაოცებულები ვართ.