1713355928
1713260837
VIDEO: სალომე უშხვანი და ნიკო ქართველი „პრაიმ ჰაუსში“ ერთმანეთს დაუპირისპირდნენ - წყვილის მორიგი „პრანკი“სალომე უშხვანმა და ნიკოლოზ ქართველმა ამჯერად, პრაიმ ჰაუსის“ მონაწილეები „გაპრანკეს“. მათი დადგმული ჩხუბი, მონაწილეებს მართალი ეგონა და საქმის განხილვის პროცესში ყველა ჩაერთო.ნახეთ სახალისო კადრები ↓
1713376984
1709545140
„ჯარიმა 10 000 ლარის ნაცვლად, იქნება 30 000 ლარი“ – ვის და რა შემთხვევაში შეეხება ჯარიმები
კულტურული მემკვიდრეობის ზონაში უნებართვო მშენებლობაზე, სარეაბილიტაციო სამუშაოების უნებართვო წარმოებასა თუ კონსერვაციის წესების დარღვევაზე ჯარიმები მკვეთრად იზრდება. „სივრცის დაგეგმარების, არქიტექტურული და სამშენებლო საქმიანობის კოდექსში“ ცვლილებებით იზრდება ჯარიმები, ასეთ ზონებში როგორც კერძო საკუთრებაში არსებულ უძრავ ქონებაზე, ასევე სახელმწიფო ან მუნიციპალიტეტის საკუთრებაში არსებულ უძრავ ქონებაზე უნებართვო მშენებლობებზე.კერძოდ, კერძო საკუთრებაში არსებულ უძრავ ქონებაზე: I კლასის მშენებლობისათვის ჯარიმა 8 000 ლარის ნაცვლად, იქნება 16 000 ლარი; II კლასის მშენებლობისთვის ჯარიმა სამმაგდება და 24 ათასი ლარი იქნება. III და IV კლასის შენობა-ნაგებობაზე განხორციელებული მშენებლობისათვის ჯარიმა ათმაგდება 20 000 ლარის ნაცვლად, იქნება 200 000 ლარი. უფრო მაღალია ჯარიმები სახელმწიფო ან მუნიციპალიტეტის საკუთრებაში არსებულ უძრავ ქონებაზე უნებართვო მშენებლობასა თუ სხვა სამუშაოებზე და ზოგ შემთხვევაში ჯარიმა 250 000 ლარსაც აღწევს.ცვლილება ეხება საკანონმდებლო დებულებებს, რომელთა მიხედვითაც, გარკვეულ შემთხვევაში კულტურული მემკვიდრეობის უძრავ ძეგლზე სარეაბილიტაციო სამუშაოების უნებართვოდ განხორციელება გამოიწვევს დაჯარიმებას 250 000 ლარის ოდენობით, ხოლო მცირე სარეაბილიტაციო სამუშაოების უნებართვოდ განხორციელება – 40 000 ლარის ოდენობით.კულტურული მემკვიდრეობის დამცავ ზონაში სანებართვო პირობების დარღვევით ნაწარმოები შენობა-ნაგებობის მშენებლობისათვის ჯარიმები შემდეგი სახით განისაზღვრა:– I კლასის შემთხვევაში ჯარიმა 2 000 ლარის ოდენობით რჩება უცვლელი;– II კლასის შემთხვევაში ჯარიმა 4 000 ლარის ოდენობით რჩება უცვლელი;– III კლასის შემთხვევაში ჯარიმა 10 000 ლარის ნაცვლად, იქნება 30 000 ლარი;– IV კლასის შემთხვევაში ჯარიმა 15 000 ლარის ნაცვლად, იქნება 45 000 ლარი.იხვეწება საკანონმდებლო დებულებები, რომელთა მიხედვითაც, გარკვეულ შემთხვევაში კულტურული მემკვიდრეობის უძრავ ძეგლზე სანებართვო პირობების დარღვევით სარეაბილიტაციო სამუშაოების განხორციელება გამოიწვევს დაჯარიმებას 150 000 ლარის ოდენობით, ხოლო ანალოგიურ შემთხვევაში მცირე სარეაბილიტაციო სამუშაოების განხორციელება – 20 000 ლარის ოდენობით.ცვლილება აგრეთვე შეეხება, კონსერვაციის მუხლსაც, კერძოდ მშენებლობის 6 თვეზე მეტი ვადით, კონსერვაციის წესის დარღვევით შეჩერება ქალაქ თბილისის მუნიციპალიტეტის ადმინისტრაციულ საზღვრებში კულტურული მემკვიდრეობის დამცავ ზონაში გამოიწვევს დაჯარიმებას:− I ან II კლასის შენობა-ნაგებობის მშენებლობისას − 5 000 ლარის ოდენობით (რჩება უცვლელი);− III ან IV კლასის შენობა-ნაგებობის მშენებლობისას − 150 000 ლარის ოდენობით.− კულტურული მემკვიდრეობის უძრავ ძეგლზე სარეაბილიტაციო სამუშაოების განხორციელების კონსერვაციის წესის დარღვევა გამოიწვევს დაჯარიმებას 200 000 ლარის ოდენობით, ხოლო მცირე სარეაბილიტაციო სამუშაოებისას – 25 000 ლარის ოდენობით“, – აღნიშნულია ინფორმაციაში.
სხვა სიახლეები
პოლიტიკა • 1713384230
მთავრობის ადმინისტრაციასთან აქციის ერთ-ერთი მონაწილე ცივი იარაღით იყო მისული
მთავრობის ადმინისტრაციასთან აქციის ერთ-ერთ მონაწილეს ხელში ცივი იარაღი, სავარაუდოდ დანა ეჭირა, რის წართმევასაც პოლიცია ცდილობდა.აქციის მონაწილეებმა პარლამენტიდან ცოტა ხნის წინ გადაინაცვლეს მთავრობის ადმინისტრაციასთან. ნიკა გვარამია, გიგი უგულავა და ოპოზიციის სხვა წარმომადგენლები პრემიერ-მინისტრ ირაკლი კობახიძესთან შეხვედრას ითხოვენ.საპროტესტო აქცია მესამე დღეა, მიმდინარეობს. პარლამენტმა „უცხოური გავლენის გამჭვირვალობის“ კანონპროექტი დღეს პირველი მოსმენით მიიღო.
საზოგადოება • 1713384124
შინაგან საქმეთა სამინისტრო განცხადებას ავრცელებს
რუსთაველის გამზირზე მიმდინარე საპროტესტო აქციასთან დაკავშირებით შინაგან საქმეთა სამინისტრო განცხადებას ავრცელებს.უწყება აქციის მონაწილეებს მოუწოდებს, არ გასცდნენ შეკრების და გამოხატვის თავისუფლების კანონით დასაშვებ ფარგლებს.„შინაგან საქმეთა სამინისტროს თანამშრომლები მესამე დღეა თბილისში, რუსთაველის გამზირზე მიმდინარე აქციებთან დაკავშირებით, მობილიზებული არიან და იცავენ საზოგადოებრივ წესრიგს.მოვუწოდებთ აქციის ყველა მონაწილეს, არ გასცდნენ შეკრების და გამოხატვის თავისუფლების კანონით დასაშვებ ფარგლებს, დაიცვან საზოგადოებრივი წესრიგის ნორმები და დაემორჩილონ პოლიციელთა კანონიერ მითითებებს.ასევე, მოვუწოდებთ აქციის ორგანიზატორებს და პოლიტიკურ ლიდერებს, არ დაუშვან ძალადობრივი მოწოდებები და უზრუნველყონ, რომ აქციამ ჩაიაროს მშვიდ ვითარებაში. კანონდარღვევის ნებისმიერი ფაქტი პოლიციის მხრიდან დაუყოვნებლივ იქნება აღკვეთილი და შესაბამისი სამართლებრივი რეაგირება მოჰყვება“, - ნათქვამია განცხადებაში.
პოლიტიკა • 1713383642
პარლამენტის ვიცე-სპიკერის, არჩილ თალაკვაძის შეფასებით, რეალურად არ არსებობს არცერთი არგუმენტი იმისთვის, თუ რატომ ცდილობენ ოპონენტები გამჭვირვალობის კანონს რუსული დაარქვან. ამის შესახებ არჩილ თალაკვაძემ "ღამის კურიერის" ეთერში განაცხადა."პრემიერ-მინისტრმა პირდაპირ და ძალიან ღიად განაცხადა, რომ აქამდე, მიუხედავად ჩვენი გახსნილი პოზიციისა დისკუსიისთვის, დიალოგისთვის, რეალურად ჩვენ საზოგადოებას და ჩვენ ხელისუფლებას არ მოგვისმენია არცერთი რეალური არგუმენტი, თუ რატომ ცდილობენ ჩვენი ოპონენტები ამ კანონს დაარქვან რუსული. კვლავ ვხედავთ, რომ ლოზუნგებით მიდის კომუნიკაცია და მცდელობა, რომ როგორმე ეს პროტესტი შეინარჩუნონ. რა თქმა უნდა, პატივისცემას ვუდასტურებ ჩვენ თანამოქალაქეებს, მათ შორის, მათ ვინც გულწრფელად კრიტიკულად იყოს განწყობილი, მაგრამ მე მინდა საზოგადოებას შევახსენო, თუ ვინ ცდილობს ჩვენ დაგიკავშიროს რაიმე რუსული ინიციატივა და ამ კანონს დაარქვას რუსული - ცდილობენ ადამიანები, ვინც მართლა ყველაფერი რუსული გააკეთეს ამ ქვეყანაში: ჩააბარეს ტერიტორიები, ხელი მოაწერეს ევროპის საბჭოში რეზოლუციას, რომლითაც ჩვენ ქვეყანას დააბრალეს ომი, სტრატეგიული ობიექტები მიჰყიდეს რუსეთს, მედია დაატერორეს, ბიზნესი დაარეკეტეს, ადამიანის უფლებები გაასწორეს მიწასთან და დღეს ესენი ბედავენ და ჩვენ გვაბრალებენ რაიმე რუსულს. ევროპა უნდა დავიცვათ "ქართული ოცნებისგანო" ეს არის ჩვეულებრივი ტყუილი," - აღნიშნა თალაკვაძემ.მისივე თქმით, გამჭვირვალობასთან დაკავშირებით, დღეს ევროკავშირშიც დგას საჭიროება და ამაზე მუშაობა მიმდინარეობს.[რაც შეეხება სტრატეგიული პარტნიორების განცხადებებს] პირველი, რომ, გავიგოთ არის თუ არა ეს კანონი რუსული, არსებობს ობიექტური საშუალება და 15 წამში შეგვიძლია გადავამოწმოთ არის თუ არა ეს კანონი რუსული და საქართველოს ინტერესების წინააღმდეგ. ევროკავშირის 15 ქვეყნის უკვე აქვს გამჭვირვალობასთან და გარე დაფინანსებასთან დაკავშირებული კანონმდებლობა. ამასთან, ევროკავშირმა გასული წლის დეკემბერში გამოაქვეყნა ოფიციალური ანგარიში, რომლის მიხედვითაც, ევროკავშირის 10 მოქალაქიდან 8 მიჩნევს, რომ საჭიროა დაცვის უფრო ძლიერი მექანიზმები და ადგილი აქვს ევროკავშირის დემოკრატიაში გარე ჩარევას და სთხოვს ხელისუფლებას ამასთან დაკავშირებით მიიღონ ზომები. ამის შემდეგ, ევროპის აღმასრულებელმა ორგანომ შეიმუშავა ევროდირექტივა და გასცა ევროპარლამენტს განსახილველად, რაც უნდა მიიღოს ევროკავშირმა უახლოეს პერიოდში. ჩვენი ინიციატივა არის ქართული, ემსახურება საქართველოს სუვერენიტეტის გაძლიერებას და დემოკრატიის დაცვას ნებისმიერი გარე ჩარევისგან. ევროკავშირშიც დღეს ეს საჭიროება დგას და მიმდინარეობს," - განაცხადა არჩილ თალაკვაძემ.
მსოფლიო • 1713383623
ასტანაში, ეკონომიკის ყოფილი მინისტრის კუანდიკ ბიშიმბაევის სასამართლო გრძელდება, კაცი ბრალდებულია მეუღლის, სალტანატ ნუკენოვას უკიდურესი სისასტიკით ჩადენილ მკვლელობაში.მედიაში გავრცელდა ბიშიმბაევის პირველი მეუღლის, ნაზიმ კაჰარმანის პირადი ბლოგში დაწერილი ინფორმაცია.როგორც ნაზიმ კაჰარმანმა დაწერა, მათი ოჯახური ცხოვრება იდეალური არ იყო.ყოფილი ჩინოვნიკის ყოფილი მეუღლის თქმით, ბიშიმბაევი ხშირად ახდენდა მასზე მორალურ ზეწოლას და ყველაფერში ადანაშაულებდა. 14 წლიანი თანაცხოვრების მერე, ქალმა შეძლო ქმარს გაშორებოდა. მათ ორი საერთო შვილი ჰყავთ.როგორც ქალი ჰყვება, წლების განმავლობაში ქმარი უმტკიცებდა, რომ პრობლემა მასში იყო, რომ თუ ის სხვა ქალებთან ღალატობდა, ამაში დამნაშავე სწორედ ქალი იყო. რომ "მას რაღაც სჭირდა, თვითონ კი მაგარი იყო."ცნობისთვის, სასამართლო განხილვა მალე დასრულდება და განაჩენს ნაფიცი მსაჯულები გამოიტანენ.სალტანატი 2023 წლის 9 ნოემბერს გარდაიცვალა. იმ დღეს ის და მისი მეუღლე კონცერტზე იმყოფებოდნენ, როგორც ცნობილია, მათ იკამათეს და საკონცერტო დარბაზი მალევე დატოვეს. შემდეგ კი ოჯახის კუთვნილ რესტორანში წავიდნენ და ვიაიპი-ოთახში შევიდნენ.სასამართლოზე წარმოდგენილი მასალებით, სალტანატი ქმართან გაშორებას გეგმავდა, ამბობდა, რომ მუდმივი ბულინგითა და ქმრის მხრიდან ძალადობით დაიღალა. როგორც ქალის ახლობლები ამბობენ, კუანდიკი ცოლს გამუდმებით სცემდა.მათივე თქმით, ყოფილი მინისტრი ცოლს რამდენიმე საათის განმავლობაში ჩაკეტილ ოთახში სცემდა და მხოლოდ მაშინ გაჩერდა, როდესაც გოგონამ გონება დაკარგა და ძირს დაეცა. როცა მამაკაცმა გააცნობიერა, რაც მოხდა, რესტორნის თანამშრომლები დაითხოვა და რესტორნის დირექტორს დაურეკა, რომელიც ასევე დაკავებული, მან ბიშიმბაევის მოთხოვნით, სალტანატის ტელეფონს ლოკაცია გამოურთო, რომ ოჯახს მისი მოძებნა ვერ შეძლებოდა.გოგონას ახლობლები ამბობენ, რომ ტრაგედიამდე რამდენიმე თვით ადრე ნათესავს ფოტოებიც კი გადაუგზავნა, როგორ იყო ნაცემი, ხოლო, როცა ქმარმა ამის შესახებ გაიგო, კიდევ უფრო მეტად სცემა და აიძულა, ინტიმური შინაარსის ვიდეო გადაეღო.8 აპრილს სასამართლოში ჩვენება მისცა ორმა მოწმემ - სასწრაფო დახმარების ექიმმა და საპატრულო პოლიციელმა.1 აპრილს კუანდიკ ბიშიმბაევი სასამართლოში სიტყვით გამოვიდა. მან პატიება სთხოვა სალტანატ ნუკენოვას ახლობლებს. თუმცა, მან თქვა, რომ თავს უდანაშაულოდ მიიჩნევს.9 აპრილს სასამართლოში ისაუბრა მოწმემ, რომელიც ნუკენოვას მკვლელობის ღამეს რესტორანში იმყოფებოდა. სასამართლოზე ჩვენება მისცა სამედიცინო ექსპერტმაც, რომელმაც დეტალურად აღწერა, რა დაზიანებები მიაყენა ბიშიმბაევმა სალტანატ ნუკენოვას და რამ გამოიწვია მისი სიკვდილი.11 აპრილს მეორე ბრალდებულმა ბახიტჯან ბაიჯანოვმა მოყვა თავისი ვერსია, იმ დღის მოვლენების შესახებ, როდესაც სალტანატ ნუკენოვა გარდაიცვალა.სასამართლო პროცესი პირდაპირ ეთერში გადაიცემა.
პოლიტიკა • 1713383465
მთავრობის ადმინისტრაციასთან ხმაურია - პოლიტიკოსები პრემიერთან დალაპარაკებას ითხოვენ
ამ წუთებში მთავრობის ადმინისტრაციასთან ხმაურია.პოლიტიკოსები და აქციის მონაწილეები მთავრობის ადმინისტრაციაში შესვლას მოითხოვენ, რის საშუალებასაც მათ სამართალდამცველები არ აძლევენ. პოლიტიკოსები პრემიერ-მინისტრთან დალაპარაკებას ითხოვენ.ხდება შეხლა-შემოხლა პოლიციასა და საპროტესტო აქციის მონაწილეებს შორის.