სამგზავრო თვითმფრინვში გაჩენილ ხანძარს მსხვერპლი მოჰყვა

22:43 05-05-2019
280

მოსკოვში, შერემეტევოს აეროპორტში თვითმფრინავის ავარიულ დაფრენის შემდეგ გაჩენილ ხანძარს, 13 ადამიანი ემსხვერპლა, 6 კი დაშავდა. ამის შესახებ თავის ინფორმატორზე დაყრდნობით მედია საშუალება ТАСС-ი იუწყება.

ბოლო ინფორმაციით, 13 ადამიანი გარდაიცვალა, 6 კი დაშავდა. ბორტზე მყოფი სხვა მგზავრების მდგომარეობა უცნობია- წერს ТАСС-ი წყაროზე დაყრდნობით.

მოსკოვში, „შერემეტიევოს“ აეროპორტში თვითმფრინავი Superjet-100, რომელიც მოსკოვი-მურმანსკის რეისს ასრულებდა, იძულებული გახდა ავარიულად დაშვებულიყო, რის შემდეგაც მას ცეცხლი გაუჩნდა. ცეცხლის გაჩენის ზუსტი მიზეზი ჯერჯერობით უცნობია.

ამ დროისათვის ხანძარი ლიკვიდირებულია, ადგილზე საგამოძიებო მოქმედებები მიმდინარეობს.