როგორი იქნება მზიური რეაბილიტაციის შემდეგ (ვიდეო)

11:09 04-16-2019

მუნიციპალური განვითარების ფონდი ბავშვთა ქალაქ „მზიურის“ რეაბილიტაციის პროექტს ახორციელებს.

პროექტი 13 ივნისის წყალდიდობის შედეგად დაზიანებული, ჭაბუა ამირეჯიბის გზატკეცილის მიმდებარედ არსებული ტერიტორიისა და ბავშვთა ქალაქის სრულ რეაბილიტაციას ითვალისწინებს.

პარკის ტერიტორიაზე სკეიტბორდის, საბავშვო გასართობი და მცირე ზომის საფეხბურთო მოედნები, ასევე, ველობილიკები და დასასვენებელი პავილიონები მოეწყობა.

„მზიურის“ ყოფილი საბაგირო სადგურის შენობაში კი მინიმედიათეკა და თანამედროვე გალერეის მინიმალისტური საგამოფენო დარბაზი განთავსდება.  

სარეაბილიტაციო სამუშაოებს ევროპის საინვესტიციო ბანკი აფინანსებს. მისი დასრულება 2020 წლისთვის იგეგმება.