რუსთავში მომხდარი უბედური შემთხვევის ერთადერთი მოწმე შოკური მდგომარეობიდან გამოვიდა

17:18 03-14-2019
8365

ვინ არის გოგონა რომელიც გუშინ რუსთავში მომხდარი უბედური შემთხვევის ერთადერთი მოწმეა.

ლიზა ვადაჭკორიას მეგობარი 14 წლის მ.გ.-ა

რუსთავში გუშინ მომხდარი უბედური შემთხვევის ერთადერთი მოწმე 14 წლის მ.გ. აღმოჩნდა. როგორც „პრაიმტაიმისთვის“ გახდა ცნობილი, ის უკვე გამოსულია შოკური მდგომარეობიდან და ახლა პოლიციაში დაკითხვაზეა.

მ.გ. 13 წლის ლიზი ვადაჭკორიას მეგობარია. გოგოები ერთ უბანში, დავით გარეჯის ქუჩაზე ცხოვრობდნენ და ერთადვე აღმოჩნდნენ ქალაქის მეორე ბოლოს ერთ-ერთი კორპუსის სახურავზე, სადაც, სავარაუდოდ, სელფის გადაღების დროს ლიზის ფეხი დაუცდა და ჩამოვარდა.

ოჯახის ახლობლები „პრაიმტაიმს“ უამბობენ, რომ გოგონა ძალიან შეშინებულია.

„მ.გ-მ  მომიყვა რატო იყვნენ შემთხვევის ადგილზე. ამბობს რომ ფოტოებს იღებდნენ და იქ სხვა არავინ იყო. ამ ყველაფერს გადაღებული ფოტოებიც ადასტურებს", - გვიამბო მეზობელმა.

13 წლის ლიზი ვადაჭკორია გუშინ რუსთავში კორპუსის სახურავიდან ჩამოვარდა. ის ადგილზე გარდაიცვალა.

მარი მშვენიერაძე