რჩევები • 1713869280

რატომ არის საზიანო ხანგრძლივი ტირილი

ხანგრძლივი ტირილი იწვევს ცრემლის ჭარბ გამოყოფას და მათ ნაკლებობას, რაც უარყოფითად იმოქმედებს თვალების მდგომარეობაზე.ტირილისას, ცრემლის პროდუცირება იზრდება საცრემლე ჯირკვლის ზედმეტი მუშაობის გამო, მაგრამ რესურსი შეიძლება ამოიწუროს.ცრემლის გაზრდილი პროდუცირებისას საცრემლე ფირფიტა ფენა იშლება და გარკვეული პერიოდის განმავლობაში აღარ აღდგება. ეს იწვევს თვალების სიმშრალეს და უცხო სხეულის შეგრძნებას. თვალები წითლდება, სისხლძარღვები ფართოვდება.მეორეს მხრივ, გადაჭარბებულმა ცრემლდენამ შეიძლება გამოიწვიოს კანის გაღიზიანება. კანზე მოხვედრილი ბიოლოგიური სითხის მცირე რაოდენობა არ გამოიწვევს უარყოფით რეაქციებს.სხვა საქმეა, აქვს თუ არა ადამიანს ეპიფორა - რაიმე დაავადებით გამოწვეული მუდმივი ცრემლდენა. ეს შეიძლება მოხდეს კონიუნქტივიტის დროს ან თუ ქუთუთო შებრუნებულია და ცრემლი არ მოედინება იქ, სადაც უნდა ჩაედინებოდეს - საცრემლე არხში, ცხვირ-ხახაში - და ხვდება კანზე. შემდეგ შეიძლება მოხდეს კანის მაცერაცია, მსუბუქი გაღიზიანება.ცრემლები ოდნავ მარილიანი ფიზიოლოგიური ხსნარია. მათი ფუნქცია მოიცავს თვალების დატენიანებას, ასევე მათ დაცვას სხვადასხვა მავნე ფაქტორების გავლენისგან. გარდა ამისა, ამ სითხეს აქვს ანტიბაქტერიული და ანთების საწინააღმდეგო ეფექტი.ცრემლი შეიცავს 150 სახის ლიპიდს, 18 სახის სხვადასხვა მუცინს და დაახლოებით 500 სახის ცილას. ერთ-ერთი მათგანი, ლიზოციმი, იცავს ინფექციებისგან, აქვს ანთების საწინააღმდეგო მოქმედება და ჭრილობებსაც კი ახორცებს.

საზოგადოება • 1713868997

მსოფლიო კულინარიის ვარსკვლავი ჯეიმი ოლივერი საქართველოშია

მსოფლიოში ერთ-ერთი ყველაზე ცნობილი შეფ მზარეული ჯეიმი ოლივერი საქართველოშია. როგორც ჩვენთვის გახდა ცნობილი, მსოფლიოში ყველაზე ცნობილი შეფ-მზარეული გასტრო ტურიზმის პოპულარიზაციაში ჩაერთო. ის საქართველოს ტურიზმის ეროვნული ადმინისტრაციის ორგანიზებით ეწვია.ჯეიმი ოლივერი მაყურებლებსა და ინტერნეტ მომხმარებლებს ქართული კერძების რეცეპტებს გააცნობს.საქართველოს კულინარიული ტურიზმის შესახებ ვიდეო კლიპებს მთელ მსოფლიოში მილიონობით ადამიანი იხილავს

საზოგადოება • 1713868833

ქვეშეთი-კობის დამაკავშირებელი 9-კილომეტრიანი გვირაბი გაიჭრა

ქვეშეთი-კობის გზის მშენებლობის პროექტის ფარგლებში, სოფელ ქვეშეთის სოფელ კობთან დამაკავშირებელი 9-კილომეტრიანი გვირაბის გაჭრა დასრულდა.გვირაბის ბურღვის სამუშაოები ქვეშეთი-კობის პროექტისთვის სპეციალურად დამზადებული TBM-ით (Tunnel Boring Machine) ანუ გვირაბის საბურღი დანადგარით წარმოებდა, რომელიც მნიშვნელოვნად ამცირებს გარემოზე ზემოქმედებას და უზრუნველყოფს გარემოს მდგრადობის შენარჩუნებას.ამასთან, გრძელდება 9 კმ-იანი გვირაბის პარალელური საევაკუაციო გვირაბის მშენებლობა, რომელიც ამ ეტაპზე, 7 730 მ-ზეა გაჭრილი. ახალი, 9 კმ სიგრძისა და 15 მ დიამეტრის გვირაბი საქართველოში ყველაზე გრძელი, ხოლო მსოფლიოს მასშტაბით, თავისი მახასიათებლებით, ერთ-ერთი უნიკალური იქნება. მოცემულ ეტაპზე, 9 კმ-იან გვირაბში დაიწყება საბოლოო მოსახვის, ელექტრო და საინჟინრო სისტემების მონტაჟისა და გზის საფარის მოწყობის სამუშაოები.ქვეშეთი-კობის პროექტის ფარგლებში, ჯამში, შენდება განათების სისტემით უზრუნველყოფილი 23 კმ-იანი ორზოლიანი ასფალტ-ბეტონის გზა, რომელიც მოიცავს ხუთი ხიდისა და ხუთი გვირაბის მშენებლობას და ერთი ხიდის რეაბილიტაციას. ამასთან, პროექტი ითვალისწინებს გუდაურამდე მისასვლელი ხუთ კილომეტრიანი ახალი გზის და ტურისტული ცენტრის მშენებლობას.საგზაო უსაფრთხოების ყველა საჭირო სტანდარტით უზრუნველყოფილი ახალი გზა შეამცირებს გადაადგილების დროსაც. თუ ამჟამად ქვეშეთიდან კობამდე მგზავრობას ერთი საათი სჭირდება, ზვავსაშიშროების გამო კი, ხშირად მოძრაობა იკრძალება კიდეც, პროექტის დასრულების შემდეგ, მონაკვეთის გავლას მხოლოდ 15 წუთი დასჭირდება.ახალი გზა არა მხოლოდ ამცირებს მგზავრობის დროს და გვთავაზობს საიმედო გადაადგილების მარშრუტს, არამედ აუმჯობესებს კავშირებს ქვეყნის რეგიონებს და მთის სოფლებს შორის. პროექტი იქონიებს დიდ სოციალურ ეფექტს იმ ათი სოფლისთვის, რომელთა მოსახლეობა რამდენიმე თვის განმავლობაში საგზაო კავშირის გარეშე რჩებოდა და არ ჰქონდა წვდომა სამედიცინო, საგანმანათლებლო თუ საყოფაცხოვრებო მომსახურებებზე. ახალი გზა გადაჭრის ზამთრის პერიოდში სატრანზიტო მოძრაობის ხშირი შეზღუდვების პრობლემასაც.ქვეშეთი-კობის გზის მშენებლობის პროექტი აზიის განვითარების ბანკის (ADB) ფინანსური მხარდაჭერით და გვირაბის მშენებლობის ნაწილში – ევროპის რეკონსტრუქციისა და განვითარების ბანკის (EBRD) თანადაფინანსებით ხორციელდება. პროექტის საერთო ღირებულება 1.2 მილიარდი ლარია.ქვეშეთი-კობის 23 კმ-იანი გზის მშენებლობა, ეტაპობრივად, 2024-2025 წლებში დასრულდება

მსოფლიო • 1713867889

ქალმა გარდაცვლილი ბიძა ბანკში მიიყვანა, რომ მის სახელზე სესხი აეღო

ბრაზილიელმა ქალმა გარდაცვლილი ბიძა შეზღუდული შესაძლებლობების მქონე პირის ეტლით მიიყვანა ბანკის ფილიალში, რათა ცოცხალ ნათესავად გაესაღებინა და მის სახელზე და სესხი აეღო. ამის შესახებ ადგილობრივი გამოცემა O GLOBO წერს.ქალი, სახელად ერიკა დე სოუზა ვიეირა ნუნესი, რიო-დე-ჟანეიროს ერთ-ერთ ბანკში მივიდა და ითხოვა სესხი ბიძის, 68 წლის პაულო რობერტო ბრაგას სახელზე.მან 17 ათასი ბრაზილიური რეალი მოითხოვა. საუბრისას ბანკის თანამშრომლებმა პოტენციური კლიენტების ქცევაში უცნაური მომენტები შეამჩნიეს - ბიძა სრულიად ფერმკრთალი იყო და კარგად არ გამოიყურებოდა, ხელები და თავი გამუდმებით უვარდებოდა, მიუხედავად იმისა, რომ დისშვილი გულმოდგინედ წარმოაჩენდა, რომ მამაკაცთან ურთიერთობდა.კადრებით თუ ვიმსჯელებთ, ქალს ახლობელს თავი უჭირავს და ეკითხება, უსმენს თუ არა, ასევე „უხსნის“ სად უნდა მოაწეროს ხელი, რათა ყველა დამსწრე ზედმეტი პრობლემებისგან იხსნას. ბოლოს, ბიძამისის მოუხელთებლობით გაღიზიანებული, თვითონ აიღებს კალამს და მის ნაცვლად ცდილობს ხელშეკრულების გაფორმებას, მაგრამ ყველაფერი არც ისე მარტივი აღმოჩნდა.შედეგად, ფინანსური ინსტიტუტის თანამშრომლებმა გამოიძახეს სასწრაფო დახმარება და ექიმებმა დაადასტურეს მამაკაცის გარდაცვალება, რომელიც ბანკში მისვლამდე მოხდა. ნუნეზი მაშინვე დააკავეს. ადგილობრივი სამართალდამცველები ბრაჰეს გარდაცვალების ზუსტ დროს ადგენენ.  Mulher leva o corpo do tio para fazer empréstimo em Bangu 😱 pic.twitter.com/L7AX4YaTnf — realengotv (@realengotv) April 16, 2024

პოლიტიკა • 1713867399

ისტერიული აგონიაა - რატომ არიან ასეთ ისტერიაში? ეშინიათ და იმიტომ - მამუკა მდინარაძე ოპოზიციაზე

მამუკა მდინარაძე ოპოზიციაზე: ისტერიული აგონიაა - რატომ არიან ასეთ ისტერიაში? ეშინიათ და იმიტომისტერიული აგონიაა, რატომ არიან ასეთ ისტერიაში? ეშინიათ და იმიტომ - ასე აფასებს „ქართული ოცნების“ აღმასრულებელი მდივანი მამუკა მდინარაძე რადიკალური ოპოზიციის და მისი მხარდამჭერების მხრიდან ხელისუფლების წინააღმდეგ წარმოებულ ფეიკ კამპანიას.მამუკა მდინარაძეს კითხვა დაუსვეს „ნეტგაზეთის“ მიერ პარლამენტის თავმჯდომარე შალვა პაპუაშვილზე გავრცელებულ ინფორმაციასთან დაკავშირებით, რის გამოც „ნეტგაზეთმა“ ბოდიში მოიხადა.მისი თქმით, არა მხოლოდ ეს არის ტყუილი, ათიდან რვა ფეიკია, დანარჩენი ორიც მანიპულაციურია.„არა მხოლოდ ეს არის ტყუილი, ბევრი ტყუილია მათში, ათიდან შეგვიძლია ვთქვათ, რვა უბრალოდ ფეიკია, ის ორიც მანიპულაციურია. სხვათა შორის, ფეიკებს ავრცელებენ მათ შორის ჩემი განცხადების სახით, მათ შორის, ვინ მიიღებს მონაწილეობას 29 ივნისის შეკრებაში, სრული ფეიკები ვრცელდება. მოსახლეობას მინდა ვუთხრა, რომ არც მონაწილეებთან დაკავშირებით, არც ჩვენი განცხადებები, რომლებსაც ისინი ავრცელებენ და აზიარებენ, არცერთი მართალი არ არის. წარმოიდგინეთ, როგორ ისტერიაში არიან, გუშინ ვნახე, ჩემ განცხადებებს „ნაცმოძრაობას“ მიკედლებული ძალიან ცნობილი ადამიანები აზიარებდნენ ჩემს განცხადებას, რომელიც არსად მითქვამს. რატომ არიან ასეთ ისტერიაში? ეშინიათ და იმიტომ, ავრცელებენ „ქართული ოცნების“ ბანერებს, სადაც მონაწილეების სიაა გამოტანილი, ვითომ აშავებენ ამ ადამიანებს და ამ დროს არის ფეიკი, რატომ? იმიტომ რომ ეშინიათ, ისტერიული აგონიაა“ - განაცხადა მამუკა მდინარაძემ.