საქართველომ "ტამიფლუს" ახალი მარაგი მიიღო - როგორ გადანაწილდება გრიპის საწინააღმდეგო წამალი

17:41 01-12-2019
115

საქართველომ ტამიფლუს ახალი მარაგი მიიღო. ჯანდაცვის მინისტრის, დავით სერგეენკოს განცხადებით, სულ "ტამიფლუს" 13 ათასი ახალი კოლოფი მიიღეს. მედიკამენტები კი 3 მიმართულებით გადანაწილდება:

"უკვე დაწყებულია მისი განაწილება. მედიკამენტი გადანაწილდება 3 მიმართულებით.

ერთი მიმართულება არის საზოგადოებრივი ჯანდაცვის ცენტრები, რაიონებში.

მეორე, ეს არის აფთიაქები - აფთიაქების საშუალებით გაცემა დაიწყება დღეს 21:00 საათიდან თბილისის მასშტაბით და ხვალ 12:00 საათიდან რაიონებში.

მესამე მიმართულება ეს არის საოჯახო მედიცინის ცენტრები, რომლებიც საღამოს ექვსი საათიდან დაიწყებენ მედიკამენტის გაცემას.

პრემიერ-მინისტრის გადაწყვეტილებით, სეზონური გრიპის ავადობის პრევენციისა და შემცირების მიზნით, პრეპარატ "ტამიფლუს", ექიმის დანიშნულების შემთხვევაში, საქართველოს ყველა მოქალაქე უფასოდ მიიღებს.

ავტორი: