"დაემუქრა, რომ თუ არ მიწერდა მის ფოტოებს ,,სადღაც” ატვირთავდა, შოკში ჩავვარდი" -რას წერს 9 წლის მოზარდის მშობელი სოციალურ ქსელში

17:27 01-12-2019
3756

ბლოგერი გურამ შეროზია "ფეისბუქზე" პოსტს აქვეყნებს, სადაც არასწრულწლოვან, 9 წლის გოგონასა და მამაკაცს შორის ხდება მიმოწერა. ფოტოს თან ახლავს გოგონას მშობლის კომენტარიც, რომელსაც "პრაიმტაიმი" უცვლელად გთავაზობთ: 

"ასე იწყება მიმოწერა ჩემს შვილსა და უცნობ ტიპს შორის...
ექვს საათიანი დაკითხვის და პოლიციაში ყურყუტის მერე ძალაგამოცლილი დავბრუნდი სახლში. ბევრი ვიფიქრე დამეწერა თუ არა. გადავწყვიტე დავწერო, რათა ჩემი გამოცდილება სხვებისთვის მაგალითი იყო. ვერასოდეს ვიფიქრებდი მეც თუ დავდგებოდი ამ საფრთხის წინაშე. მწერს ლიზი ფეისბუქზე, რომ ვიღაც კაცი გადაეკიდა, ემესიჯება და ემუქრება. შევვარდი მის ფეისბუქზე და ვხედავ ბავშვს უწყობს დაკითხვას, სთხოვს, რომ (ჩემთვის გაურკვეველო) თამაშიდან მესენჯერში გადაინაცვლონ და იქ გააგრძელონ მიმოწერა. ეკითხება სად ცხოვრობს, მარტოა თუ არა სახლში, ყავს თუ არა შეყვარებული, სად მიშაობს დედა. არიგებს, რომ ჩუმად ემესიჯოს, არავის უთხრას და მესიჯები წაშალოს. მას შემდეგ რაც ბავშვმა აღარ მიწერა, დაემუქრა რომ თუ არ მიწერდა მის ფოტოებს ,,სადღაც” ატვირთავდა. შოკში ჩავვარდი. მაშინვე განყოფილებაში წავედი. დანაშაულის ნიშნები გამოიკვეთა, ამიტომ
აღიძრა საქმე. ვინაობა დადგინდა. ამ ყველაფერს ვწერ იმიტომ, რომ ნაწილიბრივ მეც ვარ დამნაშავე. 9 წლის ბავშვს არ სჭირდება სოციალური ქსელი. გთხოოვთ მკაცრად აკონტროლეთ თქვენი შვილები, გაუუქმეთ ფეისბუქი, მართლა არაფერში სეირდებათ. ბავშვს, რომ არ ეთქვა ჩემთვის, წარმოდგენაც არ მინდა სადამდე მივიდოდა საქმე. გამოძიების დამთავრებამდე ვერ ვუუქმებ ფეისბუქს. გთხოვთ გაფრთხილდით. სანამ ჩვენს კარებზეც არ დააკაკუნებს ხიფათი, ვერ ვგრძნობთ რა შედეგი შეიძლება მოყვეს ამ ყველაფერს,"- წერს არასრულწლოვანის დედა სოციალურ ქსელში.

არასრულწლოვანის მშობელი სოციალურ ქსელში წერს, რომ გამოძიების ინტერესებიდან გამომდინარე, სხვა დეტალებს ჯერჯერობით არ ახმაურებს.

როგორც "პრაიმტაიმს" შსს-ში განუცხადეს მომხდარზე გამოძიება სსკ-ის 150-ე მუხლით დაიწყეს. ამ ეტაპზე გამოკითხულია ბავშვი და გრძელდება საგამოძიებო მოქმედებები. აღნიშნული მამაკაცი 30 წლისაა.