დედაქალაქი • 1713544440

GWP წყალმომარაგების შეზღუდვაზე ინფორმაციას ავრცელებს

„ჯორჯიან უოთერ ენდ ფაუერი“ წყალმომარაგების შეზღუდვაზე ინფორმაციას ავრცელებს:ვაკის რაიონი, წყნეთი იოსებ გრიშაშვილის ქ.N45-თან წყალსადენის ქსელზე დაზიანების აღდგენითი სამუშაოების ჩატარების მიზნით 16:15-დან 23:00-მდე წყალმომარაგება შეუწყდება: გრიშაშვილის ქუჩას.ჩუღურეთის  რაიონი, ხეხილ-სანერგე მეურნეობა, ზაქარია ჯორჯაძის ქ.N59-თან წყალსადენის ქსელზე დაზიანების აღდგენითი სამუშაოების ჩატარების მიზნით, 23:00-მდე წყალმომარაგება შეუწყდებახეხილ-სანერგე მეურნეობას (ივერთუბანს) სრულად, მახათას აღმართს და რეხის ქუჩას.გლდანის რაიონი, ომარ ხიზანიშვილი ქ.N96-თან წყალსადენის ქსელზე დაზიანების აღდგენითი სამუშაოების ჩატარების მიზნით 23:00-მდე წყალმომარაგება შეუწყდება: გლდანის 6 მრ-ს N1 დან 10-მდეისნის რაიონი, კვალეთის ქ. N2-თან წყალსადენის ქსელზე დაზიანების აღდგენითი სამუშაოების ჩატარების მიზნით 23:00-მდე წყალმომარაგება შეუწყდება: შილდის, ფშავის, ნაქერალის, გედევანიშვილის, კვალეთის, მუჯირიშვილის, მრევლიშვილის, რუისპირის და ახალუბნის ქუჩებს.

პოლიტიკა • 1713544158

გიორგი გრძელიშვილი: კანონი ემსახურება გამჭვირვალობას და სჭირდება ჩვენს ქვეყანას

„გამჭვირვალობის შესახებ" კანონპროექტს "ქართული ოცნების" საზოგადოებასთან ურთიერთობის სამსახურის ხელმძღვანელი გიორგი გრძელიშვილი ეხმიანება და სოციალურ ქსელში წერს, რომ ეს კანონო ქვეყანას სჭირდება, რადგან ის გამჭვირვალობას ემსახურება. "კანონი არის ქართული. კანონი ემსახურება გამჭვირვალობას. კანონი სჭირდება ჩვენ ქვეყანას", - წერს გრძელიშვილი.

პოლიტიკა • 1713543352

ლევან იოსელიანი: ძალადობის მომხრე ვერ ვიქნები, ალეკო კი არა, ჩემი შვილი რომ იყოს

ძალადობის მომხრე ვერ ვიქნები, ალეკო [ელისაშვილი] კი არა, ჩემი შვილი რომ იყოს, ერთი წამით არ უნდა იფიქროს ვინმემ, რომ ვინმეს მოვუწონო საქციელი ჩემი მეგობრობის ან ჩემი ახლობლობის გამო - ამის შესახებ სახალხო დამცველმა ლევან იოსელიანმა ტვ „პირველის“ ეთერში განაცხადა.როგორც ლევან იოსელიანმა აღნიშნა, ძალიან კარგად ათვითცნობიერებს მის პასუხისმგებლობას, რომ ყველას სახალხო დამცველია, არა მხოლოდ ალეკო ელისაშვილის, ან მამუკა მდინარაძის.„ძალადობის მომხრე ვერ ვიქნები, ალეკო [ელისაშვილი] კი არა, ჩემი შვილი რომ იყოს ეგეთი რაღაცის მომხრე არასოდეს ვიქნები, იმიტომ, რომ ვიცი, ყველამ ვიცით ამას რა შედეგები მოჰყვება, მაგრამ ეს რაღაცა სადღაც ხომ უნდა გაჩერდეს? აქეთ ბოლოს და ბოლოს ერთი ადამიანი დგას და იქით - მთელი სახელმწიფოა, აქეთ ერთი დეპუტატია და იქით - მთელი უმრავლესობა. მორევაზე თუ არის, მოერევიან, მაგრამ ეგ არ არის სამართლებრივი სახელმწიფო. ეგ არის მაშინ, ვინც ძლიერია, ხელის გადაწევაზეა ყველაფერი, ეგრე გამოდის.იმედი მაქვს, რომ საბოლოო ჯამში, კანონის ფარგლებში მოხდება ამ ყველაფრის დარეგულირება, მე ამის იმედს გამოვთქვამ, რომ სამართლებრივად მიყვება, ალბათ ალეკოც, ჩვენც მივყვებით სამართლებრივად და სამართლებრივად მოხდეს პასუხისმგებლობის დაკისრება ყველაზე, ვინც ამ პროცესშია დამნაშავე. ერთი წამით არ უნდა იფიქროს ვინმემ, რომ ვინმეს მოვუწონო საქციელი ჩემი მეგობრობის ან ჩემი ახლობლობის გამო. ძალიან კარგად ვათვითცნობიერებ ჩემს პასუხისმგებლობას, ძალიან კარგად მესმის, რომ ყველას სახალხო დამცველი ვარ, არც ალეკოსი ვარ მარტო და არც თუნდაც მდინარაძის. ამიტომ, როცა ამ პერსპექტივიდან ვუყურებ ამ ყველაფერს, ერთადერთი არის კანონი, რომელსაც ყველამ უნდა ვცეთ პატივი. აქ სხვა გამოსავალი არ არსებობს. სხვა გამოსავალი როცა მოინახა ამ ქვეყანაში და მონახეს, ეს იყო ბანდებად დაყოფილი ქვეყანა და სამოქალაქო დაპირისპირება. ვიცხოვრე ამ ქვეყანაში, აღარ მინდა იქ დაბრუნება და იმიტომ ვაკეთებ ყველაფერს, რომ ასეთი დაპირისპირება იყოს აღკვეთილი, კანონის ფარგლებში მოქცეული და კანონით იქნეს პასუხი გაცემული“, - განაცხადა ლევან იოსელიანმა.

პოლიტიკა • 1713543240

 მაკა ბოჭორიშვილი: რატომ არის სრულიად სამაყრო საქართველოს კანონის წინააღმდეგ მიმართული, რომელიც ემსახურება ერთადერთ მიზანს - გამჭვირვალობას, არის ეჭვი, რომ მათ არ აქვთ სათანადო ინფორმაცია, ან ეს არის გარკვეული ინტერესი

 პარლამენტის ევროპასთან ინტეგრაციის კომიტეტის თავმჯდომარემ, მაკა ბოჭორიშვილმა, "უცხოური გავლენის გამჭვირვალობის შესახებ" კანონპროექტთან დაკავშირებით ისაუბრა და აღნიშნა, რომ გაუგებარია, თუ სხვა დემოკრატიული სახელმწიფოების მოქალაქეებს აქვთ შესაძლებლობა, ფლობდნენ ინფორმაციას იმის შესახებ, ვინ არის მათ ქვეყანაში ჩართული პოლიტიკის კეთებაში, რატომ არ შეუძლია იმავე შესაძლებლობით საქართველოს მოქალაქეს სარგებლობა. მისი განცხადებით, აღნიშნული კითხვა სხვებსაც უჩნდებათ, შესაბამისად, "გამჭვირვალობის კანონის" მოწინააღმდეგეებს ან სათანადო ინფორმაცია არ აქვთ, ან სხვა ინტერესი გააჩნიათ."ის თუ დასაშვებია, რომ სხვა დემოკრატიულ სახელმწიფოებში მოქალაქეებს ჰქონდეთ შესაძლებლობა, ფლობდნენ ინფორმაციას პროცესების შესახებ, რომელიც უკავშირდება მათ ქვეყანაში პოლიტიკის კეთებას, რატომ არ შეიძლება, რომ ეს ინფორმაცია ჰქონდეთ საქართველოში საქართველოს მოქალაქეებს, როდესაც საქმე ეხება გარკვეული ორგანიზაციების - ამ შემთხვევაში, სამოქალაქო საზოგადოების ორგანიზაციების ჩართულობას პოლიტიკაში, საქართველოში პოლიტიკური გადაწყვეტილებების მიღებაში. რა თქმა უნდა, ეს კითხვა სხვებსაც უჩნდებათ, რატომ არის სრულიად სამაყრო საქართველოს კანონის წინააღმდეგ მიმართული რომელიც ემსახურება ერთადერთ მიზანს - გამჭვირვალობას. აქ არის ერთი ეჭვი, რომ მათ არ აქვთ სათანადო ინფორმაცია, ან ეს არის გარკვეული ინტერესი." - განაცხადა მაკა ბოჭორიშვილმა.

საზოგადოება • 1713542239

რის გამო ივლის ნუკი კოშკელიშვილი ორ კვირაში ერთხელ საქართველოსა და ამერიკას შორის

 ნუკი კოშკელიშვილი ამერიკიდან საქართველოში სპეციალურად „ნიჭიერის“ წასაყვანად ჩამოვიდა. შოუს მე-11 სეზონი მაისიდან „რუსთავი 2“-ის ეთერში გავა. ჩაწერები უკვე დაწყებულია და პერიოდულად „ნიჭიერის“ კულისებიდან საინტერესო ვიდეომასალა ვრცელდება, სადაც ნუკი თანაწამყვან თაკო ჩორგოლაშვილთან და პროექტის მონაწილეებთან ერთად ხალისობს და ენერგიულად ცეკვავს.fortuna.ge-მ ნუკი ექსკლუზიურად ჩაწერა.ნუკი, სპეციალურად „ნიჭიერისთვის“ ჩამოსულხარ საქართველოში…ჩემთვის „ნიჭიერი“ ყველაზე საყვარელი პროექტია, ამიტომ ჩამოვედი სპეციალურად მისთვის და ორ კვირაში ერთხელ ვივლი ამერიკა-საქართველოს შორის. ვერ გამოვტოვებ „ნიჭიერს“. ეს შოუ ამად ღირს. აქ იმდენი რამ ხდება… თან, როცა მითხრეს, რომ ამ შოუს ისტორიაში, არა მხოლოდ საქართველოში, არამედ მთელ მსოფლიოში არ ყოფილა შემთხვევა, როცა მას ორი ქალი წამყვანი ეყოლებოდა, კიდევ უფრო მეტად დავინტერესდი. მე და თაკო ჩორგოლაშვილი ერთად გავუძღვებით „ნიჭიერს“. ეს განსაკუთრებულად საინტერესო გამოწვევა იყო და უარს ვერ ვიტყოდი, მით უმეტეს, რომ თაკოსთან მუშაობა არის ერთი დიდი სიამოვნება. დადებითი, ლამაზი, ჭკვიანი ადამიანია. ჩვენ ბევრჯერ გვიმუშავია ერთად და თავიდანაც ფეხი სატელევიზიო სივრცეში ერთად ავიდგით. ყოველთვის ვამბობდით, რომ „ნიჭიერი“ იყო ის პროექტი, რომლის წაყვანაც ერთად გვინდოდა… ისე მოხდა, რომ ეს სურვილი აგვიხდა…განაგრძეთ კითხვა.