ვაშაძე რუსული ყაიდის ადამიანია, საბჭოთა კავშირის გადმონაშთი - გოგიჩაიშვილი

15:07 11-08-2018
42

„ჩვენ ვაცხადებდით და ეხლაც ვაცხადებთ, ამხანაგი ვაშაძე, ეს არის რუსული ყაიდის ადამიანი, მას არაფერი საერთო არ აქვს საქართველოსთან, არაფერი არ აკავშირებს არც კულტურა, არც ხასიათი", - ამის შესახებ "ქართული ოცნების" ლიდერმა, ლევან გოგიჩაიშვილმა განაცხადა.

მისი თქმით, ქართველმა ხალხმა არ უნდა დაუშვას, "ვაშაძის მსგავსი ადამიანების წარმატების იმიტაცია", რადგან მისივე თქმით, ისინი მხოლოდ ნეგატივს ასხივებენ. 

"ის არის საბჭოთა, რუსი ადამიანი და არც უარყოფს ამ ყველაფერს. ის არის იმ სისტემის გადმონაშთი, რომელიც 20 წლის წინ ჩაბარდა და უფრო ადრე ჩაბარდა ვთქვათ ჩვენს წარსულს, შესაბამისად დღეს ამხანაგი ვაშაძე არის პირდაპირი წარმომადგენელი რუსეთის ლიდერების საქართველოში და ქართველმა ხალხმა არ უნდა დაუშვას ამხანაგი ვაშაძის  არათუ წარმატება, არამედ წარმატების იმიტაციაც კი იმიტომ,  რომ ამ ადამიანებში არის მხოლოდ დესტაბილიზაცია, მხოლოდ ნეგატივი.

მათი აგრესიული კამპანია, მათი მოწოდებები დესტაბილიზაციის, ქაოსის შექმნის ამ ქვეყანაში ბუნებრივია, რომელსაც „ქართული ოცნების“ ხელისუფლება არ დაუშვებს, მაგრამ მიახლოებით იმიტირებული წარმატებაც კი არის დაუშვებელი მათი იმიტომ, რომ თავიდან ბოლომდე ისინი არიან მატარებელი აგრესიის დესტაბილიზაციის. ერთადერთი ქვეყანა, ვინც ამ ქვეყანაში არის დაინტერესებული დესტაბილიზაციით, ეს არის რუსეთი, ის არის დაინტერესებული დესტაბილიზაციით უკრაინაში და სააკაშვილი ზოგადად და ვაშაძე საქართველოში არის ვთქვათ მათი ინსტრუმენტი, რომ ამ ქვეყანაში შეიქმნას რაღაცა ქაოსის თუ დესტაბილიზაციის ფონი. კატეგორიულად არ დაუშვებს „ქართული ოცნების“ ხელისუფლება“", - განაცხადა გოგიჩაიშვილმა.