საქართველოში 12 ათასზე მეტმა ადამიანმა წერა-კითხვა არ იცის

10:41 02-22-2018
53

საქართველოში მცხოვრები 12 576 მოქალაქე წერა-კითხვის უცოდინარია. მათ შორის 9 517 სოფლად ცხოვრობს. წერა-კითხვის უცოდინართა რაოდენობიდან 900 მოქალაქის ასაკი 10-დან 20 წლამდეა. საქსტატის ცნობით, წერა-კითხვის არმცოდნე მოსახლეობის მესამედი ეთნიკურად არაქართველია.

მოსახლეობის საყოველთაო აღწერის მონაცემების შედეგად ირკვევა, რომ წერა-კითხვა იცის, მაგრამ დაწყებითი განათლება არ აქვს 104 ათასზე მეტ მოქალაქეს. მოსახლეობის 8%-ს კი მხოლოდ საბაზო განათლება აქვს მიღებული.