დააკავეს მსახიობი, რომელსაც 11 წლის ბიჭის საქსოფონზე დაკრული არ მოეწონა და ესროლა (რუსეთი)

სანკტ-პეტერბურგში დააკავეს მამაკაცი, რომელმაც პნევმატიკური იარაღიდან 11 წლის ბიჭს ესროლა, როდესაც ბავშვი საქსოფონზე უკრავდა. ამის შესახებ რუსეთის შსს-ის ოფიციალურმა წარმომადგენელმა ირინა ვოლკმა განაცხადა. ინციდენტი 23 მაისს მინსკის შესახვევში მდებარე №1 სახლთან მოხდა. 

სამართალდამცველების ინფორმაციით, 11 წლის ბიჭი ქუჩაში იდგა და საქსოფონზე უკრავდა, რაც მეზობელ სახლში მცხოვრებ 38 წლის მამაკაცს არ მოეწონა.

გავრცელებული ინფორმაციით, სავარაუდო მსროლელი მარიინსკის თეატრის არტისტია.